泓居酒屋 (已結業)

餐厅位于海港城对面大厦，环境舒适，播放住日文歌几有feel，店员亦会主动推介食物及收拾碗碟，与朋友来小酌一杯亦不错。 串烧小食质素唔错，当中以盐烧三文鱼头就真系有惊喜。鳕鱼干 $48 烧鳕鱼干非常香口，口感酥脆，送酒一流。炸吉列蚝(3只)$48卖相好得睇，以蚝壳盛载吉列蚝。吉列蚝外层炸得金黄酥脆，咬落都好juicy又唔鯹。 盐烧三文鱼头 $58鱼头超大件，相当抵食，表面烧得好焦香，而且都有好多肉，难得食落唔鯹，非常值得推介。明太子鸡翼 $38鸡翼香口酿满明太子，微辣调味唔错，鸡翼胀卜卜咬落大啖肉都几满足。大葱 $26大葱不太粗身，但咬落够爽口。 荔枝鹿儿岛豚肉烧 $42烧香的豚肉包住清香的荔枝，没有半点油腻，非常夹十分好味。烧白鳝 $68 外层鱼皮烧到香脆，鱼肉唔会好干身，食落仲有阵油脂香。鱿鱼饭 $82鱿鱼筒酿满糯米饭，糯米口感软糯，鱿鱼软弹，个汁味道浓郁，食得很滋味。提子烧酌梳打 $68白桃烧酌梳打 $68两者好易入口淡淡果香，加了梳打酒精唔会好浓，味道唔会好甜，亦唔会好药水味，清清地几好。焦糖烧菠萝 $58甜品唔食冻野都仲有选择，菠萝果味香甜入口多汁，加上焦糖香脆，甜品要俾满分。