炉端燒

营业中

休息中

话说起码廿年前已经第一次帮衬呢间炉端烧，当年年纪小，父母带着我嚟见识，每次都有厨师用条船槃传送食品，觉得好好玩，细个就真系唔明食物嘅品质同味道。呢廿年来断断续续都有嚟食，好记得由好好食（及好好玩），相朴乎午餐变成又柴皮又漏单, 最惨系漏咗单个师傅重要串串嘴，见证当年香港地巴之闭既年代。之后就梗系唔系点帮衬，对上一次系疫情前，记忆之中都系冇乜特别。今日再次帮衬，全因见到广告话online booking 有八折，然后送蛋糕同加送一杯野饮。好啦，咁我又反嚟啦。折后500蚊松啲一位既相扑手午餐，第一件事就系食银鳕鱼，呢个就永远冇得输，encore 左两次，真心无得顶，又嫩又滑。其他例如鲍鱼仔，大虾，带子，牛扒，羊架，各式瓜菜，鱼干，鱼生，老实一般自助餐货式，可以接受既。然后送既生日蛋糕，甜品sherbet, 2杯饮品，呢个价钱系可以嘅。一家人weekend 嚟个另类放题，不错吧！