茶墨 (已結業)

冲著麻糬芋泥茉莉鲜奶绿同开心果gelato而嚟。整体饮品可以改善。始终喺呢个商场要交租，做生意无非想赚钱，我都直话直说。饮过澳门𠮶杯同款就会明白。茶墨呢杯芋泥好实而难啜，饮完杯野都仲有一大旧留杯内。麻糬问题严重(澳门𠮶杯留待大家试，人家唔系一粒粒的，超有惊喜)我就讲茶墨呢杯系。芋泥甜度适中，不过系唔会啜到，饮到最尾要逐粒吉出嚟食。奶至少唔系奶精味呢点我满足。而且少甜程度合我意。Gelato 系真系意式既口味，带少点杏仁味道。呢个我OK的。能唔能够得到开心果关注组关注呢？我觉得有机会的。最后讲吓服务。行去收银时我前面有两个人研究紧饮乜。此时收银员正在看手机。感恩佢哋见我排紧都有让比我先。此时，收银机正前方收银员依然是看手机，直到我叫唔该。全程无望过人讲嘢。冻定热？杯装定筒装？到最后bibi 机响起去攞野饮𠮶阵呢位收银都系用同一个语气”喺度食垃圾要自己dum返”没有尾音，速度快而简洁。快到我都要load 一阵佢讲乜。其实真心唔介意清埋枱。我都唔期望香港服务会有笑容。但字句可以再train 吓。令客人唔会感觉激亲女友咁。哈哈