日和居酒屋

营业中

休息中

生日饭朋友比我任选元朗既餐厅，谂起大排档谷友经常推荐日常居酒屋，就拣左呢间试下。店员有介绍是日推介，但落单时就好几样食物都系缺货但欠注明，有啲不明所以。日和刺身盛有1客：日本海胆、4切：三文鱼、油甘鱼、3切：深海池鱼王、赤身同埋3本：珍宝赤虾，净系个presentation已经令人感觉好吸引，刺身样样都好新鲜，反而系紫菜腍左又试埋d烧物，特大虎虾$28只黎讲性价比系高既，食落都又甜又啖啖肉；盐烧牛舌有三块厚切，烧得有啲太干，咬唔郁咁。而鸡泡鱼干就预期之内好味，必须点埋蛋黄酱一齐食，有画龙点睛之效！店内人客不多但有时未能呼唤店员落单或执拾枱面，感觉稍为唔够勤快，希望下次光顾有改善呢。