影片
更多
2008-08-10
一直想试试呢间cafe，终于寻晚试左，而且觉得冇去错。入去之前，我问左门口个职员好多野，佢都好好人咁解答，我朋友黎左，再研究左一阵个餐牌先决定入去。我叫左set dinner0既西冷扒(7成熟)，配意粉，拣左西兰花忌廉汤，个餐都真系几丰富，先黎个杂菜沙律，冇沙律酱，但好够味，成碗扫清，然后黎餐汤&包，哗~呢个汤0既颜色好似抹茶，好sharp~几好饮，一d都唔稀，个包俾左朋友食，佢话好好食。跟住上main course，谂起都好笑，其实个waiter放低碟野之前讲左句野，不过我同朋友都听唔到佢up乜，问佢系咩，佢又讲左一次同一句野，但我地依然听唔到佢讲乜，于是我叫佢放低，我睇住碟入面块扒半吋左右厚，唔似系西冷，跟住又有两旧炸0既野0系旁边，越睇越唔似系我地叫0既野，于是招手叫个waiter过黎问多次系咩，今次先清楚听到佢话系「牛肋骨」，0个两旧系「炸生蚝」，um...之但系个menu印住系「拼生蚝」，我朋友以为系「生」架啰~anyway，试左先算...朋友其实叫左同我一样要7成熟，不过以血红0既程度应该只系得5、6成，同埋真系薄左dd，而我0既西冷就唔错喇~有一吋厚架﹗仲竟然有9成熟添，
入去之前，我问左门口个职员好多野，佢都好好人咁解答，我朋友黎左，再研究左一阵个餐牌先决定入去。
我叫左set dinner0既西冷扒(7成熟)，配意粉，拣左西兰花忌廉汤，个餐都真系几丰富，先黎个杂菜沙律，冇沙律酱，但好够味，成碗扫清，然后黎餐汤&包，哗~呢个汤0既颜色好似抹茶，好sharp~几好饮，一d都唔稀，个包俾左朋友食，佢话好好食。
跟住上main course，谂起都好笑，其实个waiter放低碟野之前讲左句野，不过我同朋友都听唔到佢up乜，问佢系咩，佢又讲左一次同一句野，但我地依然听唔到佢讲乜，于是我叫佢放低，我睇住碟入面块扒半吋左右厚，唔似系西冷，跟住又有两旧炸0既野0系旁边，越睇越唔似系我地叫0既野，于是招手叫个waiter过黎问多次系咩，今次先清楚听到佢话系「牛肋骨」，0个两旧系「炸生蚝」，um...之但系个menu印住系「拼生蚝」，我朋友以为系「生」架啰~anyway，试左先算...
朋友其实叫左同我一样要7成熟，不过以血红0既程度应该只系得5、6成，同埋真系薄左dd，而我0既西冷就唔错喇~有一吋厚架﹗仲竟然有9成熟添，不过就一d都唔「鞋」，好爽啊﹗而我地都觉得d意粉系意外地好食呢~
餐饮本来想叫朱古力，但要加$15蚊咁多，梗系唔会啦，饮咖啡惊训唔著，奶茶又唔系港式，又唔钟意饮柠檬野，就问仲可以叫乜，waitress话可以叫橙汁，果汁先生，好，就补充下vitamin C，真系久违左0既果汁先生呢~唔驶食生果喇﹗
最后系甜品——朱古力奶冻，虽然的的式式，但其实都饱左0既我地都觉得够lu，味道唔错，我觉得下次会试呢度0既甜品，因为外观都几吸引呢~
希望呢度迟d连朱古力都系餐饮之一啦，话哂都系西餐厅嘛~
张贴
