一起素 (已結業)

对中大素友开素can真系个天大既喜讯，终于唔洗食碟边菜同下下去兰苑食靓野啦。好可惜我刚刚grad左，今日毕业礼味返黎捧下场啰。听讲呢度有个好靓仔既厨师哥哥，我去问过下职员果个应该系楼面经理哥哥黎架，大家注意下啦。我个鲜茄素扒意粉都几贵，canteen一个餐都近50蚊，而且仲要超级麻麻。首先个意粉得个红字，虽然可以清洁见到一粒一粒番茄碎，但系可以话冇咩番茄味。意粉的质地不俗，条条分明不会「痴」埋一堆。最可怕系个素扒，我好欣赏佢地唔系用素肉去整、系用左蔬菜，但效果唔好。离远见到个颜色已经有D惊惊，点解会咁既食架？点解会紫得咁紧要架？后尾谂谂下应该系红菜头，但系好可惜，同样完全食唔出系红菜头…碗汤又真系出奇，有晒色有晒料，但又系冇味…其实建议可以用日式面豉汤底，咁味可以唔洗煲但又有味啰。啲斋卤味就唔错，酸斋同斋叉烧最好食，斋叉烧够淋滑多汁，酸斋就同出面D餐厅差唔多。值得一提系员工态度好好