大戶屋 (已結業)

本身打算攞飞食排长龙回转寿司之后隔离睇戏，睇完戏出嚟会有得食，估唔到5:30去到已经唔派飞。睇完戏唔知食咩好，突然醒起可以去食大户屋。每次去大户屋都会叫烧盐曲熟成五花腩，加$23转定食，再加$10就可以拣其他种类嘅饭，我就只系转定食普通饭。朋友叫咗黑醋鸡肉野菜，都系转定食。定食包括主食、面豉汤、茶碗蒸及渍物。先讲五花腩，上菜嘅时候系暖嘅...如果热d就仲好食，每旧都有烧过嘅香味，肥瘦适中，另外有薯仔沙津及蔬菜沙律伴碟。因为之前食过刚刚烧好就上菜嘅五花腩...真系好好食。朋友食嘅黑醋鸡肉野菜，黑醋唔太酸，都非常开胃。定食碗饭不太大，份量适个女仔，男仔大部分都应该唔够饱，但系定食可以添饭一次，我同朋友添咗一碗饭share就啱啱好啦！可能系坐嘅位置问题，比较难叫到侍应。添饭同加茶都系要等侍应到枱附近收拾餐具先加到。