麻辣Doi (已結業)

因为疫情关系，喜欢食四川麻辣嘅我不能回国内食酸菜鱼和川菜，所以经常喺香港试唔同餐厅嘅麻辣菜式，但好多时候都系“伏味龙”，始终香港厨师未必要解当地四川人如何用调料去煮四川菜。今晚同家人黎左麻辣Doi, 好食的程度除左令我好满意外，真心要写篇文章表扬下。凉拌木耳一上台，已闻得出调味料好香，好明显厨师调味系用油“赞过”先去凉拌,呢个先系正宗四川菜嘅做法。里面嘅花生极度脆身，配上木耳嘅爽口，形成两种唔同口感系一个非常出色嘅送酒菜，绝对适合喺主菜常之前打开味蕾。椒盐大虾虽然呢个菜系最迟上，但系我觉得好值得比我等，因虾身炸得好脆身但唔会干，里面嘅虾肉仍然都系好鲜，而且厨师亦都好细心将所有虾须同埋脚剪掉，亦揾咗西生菜垫底伴碟去吸油，令成个菜唔会太油。酸菜鱼其实好食嘅酸菜鱼好考功夫，如果自己煮就明白片鱼其实系一件好痛苦嘅事。呢间嘅鱼除咗片得好靓冇咩骨之外，亦好明显系用咗蛋白*拿*过先去落镬，所以做到鱼生薄而弹牙。鸡肉干锅呢度嘅干锅可以选择六款配菜，因为屋企人唔食牛嘅关系所以我哋拣咗鸡肉。本身好担心会好柴但系结果原来好好食,好是因为鸡肉好入味，呢度干锅可以选择六款配菜，都系大路嘢，但系可以选择加入薯粉一