德昌魚蛋粉

营业中

休息中

最近食咗两次，懒到而家先一次过写食评🤪🤪🤪 我朋友问个店员有冇崩沙腩，佢话冇，得牛腩，所以结果就嗌咗云吞牛腩河。 朋友comment话牛腩炆得入味，算满意，不过云吞一般。 而我就叫咗咸牛肉蕃茄奄列。我知个combination有啲好奇怪，但我想食多啲菜类减低罪疚感，因为我做紧减糖饮食╮(￣▽￣"")╭ 无奈。 味道正常，加入咗番茄但系个奄列唔会好湿，只系份量对我嚟讲系唔够饱嘅😅😅😅 第二次我就拣咗个下午茶，炸鱼柳拼薯条。鱼柳系热嘅，应该系返炸，不过就炸到㶶晒边。 而我朋友就嗌咗个营养餐，牛扒烟肉拼炒蛋。佢话味道OK，份量都够佢饱。 呢间喺天后嘅茶餐厅，价钱OK实惠，不过卫生条件比较差。如果唔系附近冇乜茶餐厅，我谂都好难会拣佢。