元祖沾麵專門店

营业中

休息中

今晚同朋友一齐行街街， 咁我同朋友一齐买完嘢之后，朋友话有好介绍，因为佢好钟意食日本沾面，而我亦都相同， 咁我哋试下呢一间元祖沾面， 入到去其实都几多人食， 可能呢一头比较少沾面舖， 咁我哋就叫咗以下：豚肉鱼介沾面: 呢个豚肉鱼介沾面，佢个豚肉烧得都几靓，而且块豚肉有少少肥肉 ，脂肪比例平均 ，咬落口好juicy，当你放个面落个汤底度， 佢个汤都充满住鱼介味都几浓味， 但我觉得都几好食。 另外佢个面都几弹牙都值得赞的!极上Raclette芝士龙虾沾面: 呢一个龙虾汤沾面， 绝对系主角，因为佢个龙虾真系成只上，而且佢个龙虾钳同龙虾身都系啖啖肉，都花咗我哋唔少时间去拆解。 而且佢个龙虾又真系几弹牙同有甜美， 再加上佢post上嘅芝士 ，真系非常 好食， 对于好似我呢啲钟意食芝士嘅人，就非常之喜爱佢， 不过我建议就系将个芝士浸落个汤度食，因为热热地先好味。最后我建议大家早少少入去餐厅食，因为佢个制作都比较长 ，都等咗我差唔多二十分钟以上， 可能我地叫𠮶个系龙虾需要多啲时间去整， 但overall嚟讲呢一间餐厅都唔错，值得去试的。