粗菜館

营业中

休息中

猪油捞饭：猪油系凉既，半碗饭落两匙猪油，食落有少少香口，唔系好感觉到猪油存在，无试过其他舖头既猪油捞饭，可能本身就系咁挂猪油渣炒菜心：正常炒菜味道，猪油渣可能摆太耐，软晒，仲以为系鱼腐炒猪杂：酱汁几好所以猪润唔错，葱都有味，头两啖猪肠真系觉得好好食，油脂十足，直到第三啖猪肠食到有臭味，不停说服自己系酱汁味，但真系点试都好似行猪栏𠮶阵会闻到既味。结果系十旧猪肠六旧臭既，真系抽奖式猪肠皮蛋酸姜：屋企人话皮蛋无异味，唔错鱼皮：唔爽口小白菜猪肺汤：汤系半透明既，偏淡，自己落左豉油山楂酱排骨：一口咬落去可以食到明显既山楂果香，比咕噜肉好食，层皮都够脆，唔错XO酱韭菜花炒蚬肉：可以话系将当晚心情拉到谷底既菜式。韭菜花，一d菜味都无，只有非常纯粹既辣味，可以唔夸张咁讲，就算喺张A4纸上面搽XO酱，个味道都会一样。蚬肉，霖晒，无弹性，当然亦无蚬肉味，只有咬烂𠮶阵有少少蚬内脏既味，但好快又比单纯既辣味遮盖住。咁无味既炒菜都系第一次食到，真心怀疑唔系师傅手势有问题而系唔记得落盐。因为用左哩味菜收尾，依家个嘴非常空虚。