臻味冰室豬扒酸辣米線

营业中

休息中

星期六做到三点几先有时间食 lunch，谂住下午茶有优惠，有so。点知入咗一间无下午茶，都算啦！以前食过臻味，觉得唔错，无下午茶都照食啦！估唔到餐牌换咗，连味道都转埋。无咗我最爱嘅浓汤食杂，咁我叫其他啦！我唔食辣，叫咗鸡丝肾片米线+冻柠茶。饮品全部正价，盛惠$70，贵就贵啦。香港好味嘅餐厅真系越来越少，当做支持下。点知碗米线嚟到，卖相已大失所望，而且份量真系寥寥可数。可能我叫嘅系鸡丝肾片，卖相无咁大堆头，但我“了”咗两下，确实鸡丝唔多，肾片数量就可以接受，不过真系误以为系下午茶餐咁。份量都算啦，当我大食啦！最估唔到系佢个清汤，真系好清，只系得塩+水，真系未食过咁差嘅清汤。而杯柠茶，佢都的而且确俾咗4片柠檬，不过系超薄，笃到烂都无乜柠檬味。收得$18一杯，咁高利润系咪至少俾多少良心呢？哩餐系真正farewell，臻味不再，系时间说再见了。