茶墨 (已結業)

朋友系IG见到The one有间打卡好正嘅饮品店，就行街𠮶阵特登上去睇下。下午茶时间都算几多人，好不容易有位坐。除左打卡必备嘅水墨风饮品、一般茶、奶昔等等，仲有蛋糕同Gelato食，好似都几丰富咁。本来想试下紫薯铁观音沙冰，但咁岩无晒紫薯，我们又唔想等太耐。一向唔饮得鲜奶茶嘅我突然发现所有奶类饮品都可以转豆奶，于是就点左麻糬芝麻乌龙鲜奶茶（转豆奶）同抹茶蛋糕。麻糬芝麻乌龙鲜奶茶（转豆奶／少冰，$39）用芝麻酱画杯，就好似攞住杯水墨画咁。转左豆奶味道唔浓，乌龙茶味都香，但主要都系芝麻味比较重，好似饮紧有茶味嘅芝麻糊。芝麻酱好浓厚，一定要摇匀或者搅匀再饮，唔系就会好难吸下面弹牙烟韧嘅麻糬，我地最后要打开盖慢慢食。岩烧蜂蜜抹茶蛋糕（饮品追加+$48）店员有帮手整热个蛋糕，虽然睇落唔大但都几饱。抹茶味唔算浓，蜂蜜味比较重，表面少少咸。香甜绵密，系干身左少少，适合配茶一齐食。