甜圓坊

营业中

休息中

外面望落去好似好简陋，但系又坐满人，老公想食刨冰，见佢有，就入去试吓啦，座位方面系比较狭窄嘅， Menu都好似好少嘢食，但系价钱都好抵，所以决定一试。一上枱个剉冰真系惊喜，$45居然有咁大兜，分量十足，材料丰富，仲有薏米感觉好健康，啲冰唔系只系水整，应该系用咗炼奶水整，食落去会甜甜地，唔会食到尾冇味，加埋唔同配料，夏天食一流！值得推介！不过佢有人均消费$30 ，我哋两个人，所以就嗌咗珍珠奶茶同埋盐酥鸡，个盐酥鸡好好食，脆卜卜，里面又好Juice，唔会话好油腻，外脆内软。珍珠奶茶就普普通通，$23都可以接受。价钱好抵，性价比高，又唔驶加一，佢仲有饭同蛋饼，下次可以再试。