影片
更多
2019-05-06
2933 浏览
今日同朋友Encore黎呢间日本餐厅食Omakase ，因为厨房每日要预新鲜既食材，所以要预先订位。黎到门口见到招牌既「泷」字已经觉得好有气势，入到餐厅既装修多用大理石tone，bar枱后另有一面油画风既墙，整体感觉好有格调。我地被安排到bar枱坐，看过餐牌，一共有三款set选择：天 、泷 、极，我就拣左最高等级既「极」～系等紧食物既时候，就可以睇下厨师系你面前准备食材同摆碟，睇得出厨师们都好有耐性小心地做每一个步骤，令我地更期待上菜。上菜了！头盘系松叶蟹蟹膏配昆布啫哩，呢个组合比较新鲜但出奇地夹，蟹膏够新鲜。继续系前菜～圆形既石盘上顺时针起分别系柚子冻豆腐 芥末尤鱼 海胆鹌鹑蛋 同甜薯，每款都有刺激到唔同既味蕾，令人开胃。之后系汤品 - 小贝柱清汤，碗汤除有鲜味仲好足料，一碗就有三只蚬，食完两道前菜后饮热汤非常适合。饮紧汤时师博已经系我地前面切紧剌身，而且都系好用心咁摆碟。三款刺身分别系平政鱼、池鱼同拖罗，三款刺身都完全无筋，而且油脂分布唔同，拖罗油脂分布最高，入口即融，个人就钟意食池鱼，油脂分岩岩好。下道菜叫子持鱿鱼，酱汁不错，但唔系好食得惯滑滑既涵料，但系机会难得都可一试。主主菜
黎到门口见到招牌既「泷」字已经觉得好有气势，入到餐厅既装修多用大理石tone，bar枱后另有一面油画风既墙，整体感觉好有格调。
我地被安排到bar枱坐，看过餐牌，一共有三款set选择：天 、泷 、极，我就拣左最高等级既「极」～
系等紧食物既时候，就可以睇下厨师系你面前准备食材同摆碟，睇得出厨师们都好有耐性小心地做每一个步骤，令我地更期待上菜。
上菜了！头盘系松叶蟹蟹膏配昆布啫哩，呢个组合比较新鲜但出奇地夹，蟹膏够新鲜。
继续系前菜～圆形既石盘上顺时针起分别系柚子冻豆腐 芥末尤鱼 海胆鹌鹑蛋 同甜薯，每款都有刺激到唔同既味蕾，令人开胃。
之后系汤品 - 小贝柱清汤，碗汤除有鲜味仲好足料，一碗就有三只蚬，食完两道前菜后饮热汤非常适合。
饮紧汤时师博已经系我地前面切紧剌身，而且都系好用心咁摆碟。三款刺身分别系平政鱼、池鱼同拖罗，三款刺身都完全无筋，而且油脂分布唔同，拖罗油脂分布最高，入口即融，个人就钟意食池鱼，油脂分岩岩好。
下道菜叫子持鱿鱼，酱汁不错，但唔系好食得惯滑滑既涵料，但系机会难得都可一试。
主主菜当然系炭烤日本和牛！呢个真系值得一赞，无论系烹调方式、熟度同调味料都互相配合得好好，而且份量都不小。
又系食紧刺身嘅时候，师傅已经整紧天妇罗，由上粉到炸都系即做即上菜，值得一提嘅系三款调味：白盐、wasabi盐、柠檬汁，仲有不可缺少嘅萝卜蓉，每一款天妇罗师傅都会教你点食，天妇罗分别有虾、目光鱼、菇酿大蚬同 金鲷鱼配虾汤，全部都系海鲜，岩哂我地既口味。
食完炸野就上冻荞麦面，中和一下都几舒服，不知不觉食左成碗。
差唔多黎到尾声，亦都系我最期待既一道菜，就系生炸甜薯，师傅话呢款系鹿儿岛直送，食落真系好香甜，再有白兰地同白糖可配搭一齐食，系另一种食法有惊喜，不过我觉得就咁食甜薯已经好好了。
最后水果部分系甜柑，此部分正常合格，为今餐画上完满句号～
总结今餐Omakase惊喜满满，睇同食得出厨师设计菜式好有心思，餐厅环境亦十分舒适，下次要带家人黎食了～
张贴
