薄餅怪獸

营业中

休息中

两口子拍拖，行吓行吓到咗土瓜湾，见有间食pizza嘅舖头，就一于入去试试。有一边墙身用咗不同形状、不同大细嘅pizza托板做点缀，几特别吖！拣套餐最实际，首先有千岛海鲜薄批配蕃茄酱底，店主表示饼底系每日新鲜手制。材料极之丰富，蟹柳、菠萝、青椒、洋葱及海鲜杂锦多箩箩。薄批焗得够脆身，香喷喷，所有鲜味一次过爆发，一食就停不了。焗肉丸拼香草肠，份量十足，每款三件。肉丸爽弹多汁，香草肠个皮极之爽脆，好惹味，啱晒胃口。我地拣咗台式辣味炸鸡，有两大件，炸浆薄身，炸得好脆，鸡嘅腌味适中，入口香味饱满，唔会多油，外面加咗辣味粉，令鲜味更突出。 一杯少甜冻柠茶，冰冻解渴，解油腻，非常好！冻斋啡唔落糖，唔落奶，真正饮到咖啡回甘嘅香味。见到午餐嘅款式都好吸引，价钱大众化，揾日再嚟一次先得。