CHIMAC (QRE Plaza)

营业中

休息中

<网上外卖平台半价系列>自从美团喺香港插旗之后，外卖平台就好似不停有优惠😏，早排有买满$100-$50，而家就买满$100就半价😍，真系好难忍口唔乘机食餐饱😋。虽然只系指定餐厅有优惠，不过都有唔少好嘢食。之前$100-$50时食过一次Chimac，今日encore同细细做下午茶。6件炸鸡🍗连🍟餐，+钱转蜂蜜焦糖味，再加紫菜饭同🥤就过$100，半价后只系$52.5，抵✌🏼。因为细细放学时已经太肚饿，见堂食冇人就比佢即刻食少少先😂。炸鸡同薯条都系新鲜炸起热辣辣，啲蜂蜜焦糖包住炸鸡但又唔会淋晒。上次拎外卖时我见到佢哋个做法，系将新鲜炸好的鸡放落镬，再加入酱汁兜匀，装起后再淋酱汁。食落去唔会觉得厚粉，啖啖肉，肉质都好嫩滑，薯条都系炸得好好食，另外跟餐仲有酸萝卜，中和返冇咁漏。呢个质素就算正价都算系合理水平，而家半价真系唔食唔得啦😂😂。