幕多

营业中

休息中

无意中发现呢间隐世小店，见到装修好靓好特别，就入去试吓。入到嚟好怀旧，以红色为主，好chill好写意嘅小店。店员超级nice！Menu好简单，只有一款汤底：酱油虾浓汤，可以拣拉面或刀削面底，我哋就拣咗各一。第一啖一定系试汤底先，好浓郁嘅虾味，因为汤底系由虾头每日新鲜熬成嘅，真材实料，好有惊喜！本人觉得配拉面感觉完美啲，因为比较挂汤。我哋连成碗汤都饮埋。Menu另外就系signature 嘅酱油海鲜。除咗menu上嘅虾，鲍鱼同海螺，佢哋仲有每日精选嘅海鲜，我哋就拣咗鲍鱼、蛏子、生蚝同埋北寄贝。一食真系不得了，鲍鱼劲爽口，蛏子同北寄贝劲鲜甜又爽口，生蚝好大只又creamy，酱油咸度啱啱好又唔会抢咗啲鲜味，好味到我哋要encore！好耐冇食过咁惊喜嘅小店，可以无限次番嚟！