Greyhound Café (海運大廈)

营业中

休息中

以前听同事讲呢一间嘅千层蛋糕系一流，有一次经过，忍唔住买咗个椰子千层蛋糕，超足料。今次决定堂食睇吓佢咩料，叫咗一个咖喱大虾，牛肉饭，炒通菜同泰式凤爪，仲叫咗杯椰汁冰，出乎意料之外嘅好食。牛肉饭啲牛肉唔会全熟，又唔会好韧，配上好香嘅姜黄饭，食完都唔会觉得好油。炒通菜正常发挥。咖喱大虾烧肉味，又新鲜，咖喱入边仲加咗啲洋葱，食落唔会觉得净系食啲汁，点埋个薄饼一流。泰式凤爪虽然预咗佢辣，估唔到呢一间系劲重手，一路食一路话好辣，好过瘾。椰汁冰入边仲会有椰子肉，性价比劲高。最后仲打包咗一个芒果千层蛋糕走。值得赞赏系呢一间餐厅嘅员工好有礼貌，特别有一个戴眼镜嘅女仔，同埋一个企reception嘅后生男仔，我估计系店长之类，佢又要做埋水班嘅工作，虽然我觉得自己好多要求，不过佢哋都尽量满足。