丼瀛 (已結業)

庙街都有日本野食，估你唔到呢。丼瀛。日式格调，木台，和风，绿饮茶。其实店舖都细既，所以大家都要坐得辛苦D。我男朋友系个小胖子，坐左两个钟左右佢话屁屁有D痛哈哈! 大家可以参考下...(呢位店员服务好好，加唔加水加唔加鼓油都会问声你先。)7点半到步，已经人头涌涌。坐满晒间店。好鬼热闹。拣左丼瀛龙虾剌身双层爆丼同A筑地寿司杯。筑地寿司杯有气势，五杯唔同款。男朋友一黎已经扫左杯海胆。加左黑松露系上面几有创意，香口，更加估唔到佢地会夹得埋。另外仲好贴心咁帮你分开左只鲍鱼。方便你SHARE食。三文鱼够肥美。两只海虾反而有点失望，望落好正咁但竟然暖左，唔够爽同鲜。男朋友仲抗议咁话只杯既形状搞到佢好难扒饭.....气势如虹既龙虾出场啦，龙虾触角好长，直达天际，头又大，入面既膏好多。我问店员拎左只碗放出黎慢慢食，丼只碗太细....D膏真系无得输，金黄色，龙虾肉都超正，肉好实，唔会咬落去散开。做运动既龙虾呀。刺身就比龙虾逊色得多。同岩岩个海虾一样问题，带子同鱼都暖左d。食唔出鲜味，鱼仲有点腥。龙虾底有饭，另外跟个乌冬，两个人实饱。呢个酱汁睇落似芝士加蛋黄酱，男朋友就话食落去系好浓既南瓜汁。我自己比较钟意