雲桂香米線專門店

营业中

休息中

食过几间品质一向都唔错都多料嘅，整体都唔错嘅特别钟意食佢嘅小窝米线同埋凉拌米线，味道真系令人一试想再试，见到新都城呢间新开当然要帮衬下不过感觉上整体质素系差过出面其他分店嘅都好正常嘅唔同厨，工作人员亦都唔同，希望将来会好返啲。但呢间个辣真系次次都唔同，虽然我每次都叫微辣，唯独呢间叫微辣都辣到飞起，遮盖晒本来凉拌米线嘅味道。同埋外卖要加$3真系有啲贵。好多连锁快餐店外卖基本上唔使加钱茶餐厅可能最多一两蚊，所以系真系偏贵嘅除此之外其实米线成本唔系特别高基本上你叫埋嘢饮如果唔系下午茶优惠叫多个两个𩠌好大机会都超过$50价格以米线来讲都算颇高嘅。奈何呢间分店味道上有待改善如果可以睇齐其他分店我相信呢$50我会比得更值得。