貓抓烤肉

营业中

休息中

由于我哋屋企有养猫，我同老公都系猫奴，所以一听到猫抓响香港开咗已经好想去试吓，睇相见到啲环境都好可爱，希望唔系得个样啦! 一上到去已经见到一大座猫响门口迎接我哋，全间店几乎都系卡位，空间充足坐得好舒服食物方面，我地见餐厅周围大部份人都叫咗个猫罐头样嘅牛肉拼盘，所以都叫嚟试吓，上菜嘅方式好可爱，真系模仿一个巨型嘅猫罐头，一打开就飘啲烟出嚟，可爱程度爆灯，非常适合打卡二百几蚊就有咁多肉食，性价比都好高，大家嚟到都可以叫下~ 另外个炸鸡都好正，新鲜炸起外皮好香脆，已经忘记咗有几热气了~ 一边食饭一边俾啲猫猫卡通包围住都几开心，不得不讲餐厅啲肥猫仔真系画得几可爱，啱晒钟意猫嘅人总括嚟讲餐厅环境很可爱又好坐，地点方便，都几适合朋友聚会，下次我都可以同朋友嚟叫吓其他嘢食