2nd Kitchen

营业中

休息中

最近发现咗呢间小店，主要做外卖蛋包饭、炸物便当同意粉，便当颜色鲜艳，卖相都几可爱，好似日本卡通片妈妈整嘅便当🤣 因为限量制作，所以呢度嘅蛋包饭好快卖晒，小妹都去咗几次先买到。用上日本🥚同米制作，所以蛋包饭嘅颜色特别黄，颜色好靓; 蛋都算煮得滑，唔会好老。不过如果唔好煮熟，保留少少蛋汁会更好。滑蛋包住嘅炒饭味道适中，不过略嫌黏口，失咗分（小妹钟意炒得干身嘅炒饭呢）对比蛋包饭，小妹比较钟情🦀炸蟹肉忌廉饼饭。(小妹系因为佢嘅炸物先再帮衬试蛋包饭。) 蟹肉忌廉饼即叫即炸，所以热到辣口；食落外脆内软，都几creamy。炸物便当嘅饭比较烟韧粒粒分明，洒上紫菜同芝麻碎，再配埋流心蛋，充满日式风味🍱。唯一美中不足🥦西兰花煮得太生，有d硬；不过第2次食就有改善。小店嘅厨师应该系日本人，见佢每次收order 都会大叫 “系！” 。所有order 都系厨师同助手即叫即整，所以如果太多人，都要等耐少少。整体来讲，$58有汤有靓靓便当，而且食物质素唔错，都可以接受。