Crema

营业中

休息中

话说我最近都去尖东上堂。由于上堂前都有啲时间，所以都想揾个位坐得舒舒服服，食个晚餐。同时食饭嘅时间比较早，食唔落太多，所以一杯咖啡提神，加一个轻食就可以喇。最后就会自自然然谂起呢间cafe。记得第一次嚟食呢间cafe完全系为咗佢个拉花咖啡。𠮶时女朋友见到都觉得好可爱好得意。就算今次只系自己嚟食，职员同样都帮我拉花。Latte其实见到只兔仔咁得意，都已经值回票价，咖啡嚟讲都算香浓幼滑。唔使加糖都唔会苦。Cappuccino另一次嚟就饮咗佢嘅 cappuccino。同样都系有只可爱嘅猪仔图案。咖啡水准依旧。饮完醒晒神。卡邦尼意粉。我对卡邦尼意粉有一种偏爱，不过呢度整得都算几好食，面嘅sauce够厚身。直落都好creamy。仲有啲火腿调剂下个面嘅味道。野菌汁鸡肉意大利粉。有啲人可能觉得卡邦尼意粉冇乜料，所以都推介你食呢个鸡肉意粉。呢个意粉菇味浓郁。加上有啲鸡肉，虽不算嫩滑，但系加上酱汁之后都几好食。由于呢间铺嘅定位都系咖啡店，相信食早餐午餐下午茶嘅人都会比较多。去到夜晚嘅时候人的确系少啲，所以如果你想夜晚静静地噉样食一餐，唔想同人逼嘅话，呢度都系一个唔错嘅选择嘅。