L'attitude (已結業)

食完晚饭打算食甜品时经过呢间店门外，热情既店员就比左menu我睇~ 其实之前已经o系网上见过呢旧云既相咖啦~ 实物都好似好可爱，即时少女心爆发就入左去啦。当时店内大约有两至三枱客人，餐厅环境装修都系以白色为主调，坐落都几放松几舒服。店员马上送上两杯暖水比我地。可以饮啖水休息吓先开始睇menu~呢个就系佢既招牌云仔啦！一旧乌云上面仲有个闪电添～雪糕就拣左混色，系朱古力＋牛奶味。唔好以为佢净系得个样呀～原来内有干坤咖，食到乌云棉花糖既底部原来系有爆炸糖咖，营造左o系我口内既闪电效果，够晒贴题，哈哈。呢个粉红蓬蓬裙就系双色雪糕（牛奶＋朱古力）外面围一层棉花糖，再洒左少少干果碎。雪糕筒外层围左块纸圈，咁溶左既雪糕都唔会滴落水度，细心设计加分店员既服务态度值得一赞，当见到我只手比棉花糖整到痴笠笠时马上为我送上湿纸巾　见到我同呢个毛公仔影相又担张櫈仔比我坐o系佢隔离影。好细心留意客人需要