根記大排檔

营业中

休息中

讲到全香港最好食嘅茶记style炸猪扒，我真系数唔到有边几间，因为只得根记。与其话佢系一间大排档，应该话佢系一间茶档比较贴切。 一个用铁板架起嘅路边小屋，两个历尽风霜、 实务实干嘅石油气炉头，配合一个对用具及出品瞭如指掌嘅老板两夫妇，加几个用心工作嘅伙记，成就左天下第一猪扒嘅诞生。呢度嘅猪扒有咩好？冇嘅，只系肉比人嘅多汁嫩滑d、炸出嚟比人地嘅皮脆香口d、底味比人地腌得足又唔会过咸dd... 就系点计都比人地好dd就够喇。要知呢件猪扒嘅原材料唔系贵野，而做到你叫我如果唔知嘅话喺度比150蚊叫个炸猪扒配沙律我都觉得物超所值嘅话，呢块猪扒必定经过精心计算、实践、反复修正而做出嚟。因为系open kitchen 嘅关系， 你会见到员工腌肉时非常认真落料非常足嘅同时，你又见到老板用熊熊烈火去炸，调教火喉嘅功夫真系恰当好处，顺带一提唔想食饭佢重有一系列嘅出前一丁畀你拣包保啱你口味，而佢煮嘅一丁又系另一杰作，可以用碗碗都可以煮到好Al Dente嚟形容。如果得闲行过可以一试，想君定必难忘，然后经常返桌。