根記大排檔

营业中

休息中

聞說香港僅存嘅鐵皮大排檔～決定去根記試下佢地嘅秘製豬扒同雞翼，雞翼有3隻全部剪開一半，就咁睇好似幾大隻😂聽講出前一丁話有得揀味，不過果度除左兩公婆仲有個亞叔，態度真係令你咩都唔會再問佢，坐邊 食咩 餐飲 都唔係咁想同佢講野，仲要一路食住煙～一碗麵餐$44 豬扒係有醃過嘅，但我覺得細塊左啲，雞翼同豬扒都未至於好驚喜，出前一丁亦冇問我要咩味，奶茶完全冇奶咁，唔得👎，好彩我揀忌廉 🙈睇住佢麵係用火水爐煮，豬扒都係石油氣爐炸豬扒同雞翼嘅，其他餸就用返火水爐煎嘅。見食評話世一⋯⋯唔難食都唔特別好食，只係一塊有醃過嘅炸豬扒🤷🏻‍♀️諗住天氣涼涼地試下，價錢同茶餐廳一樣，但係態度唔好又唔特別好食，坐又一定唔會係好坐，咁嘅大排檔真係冇咩必要留低。

呢個大排檔已經變成我一個星期去一次食早餐嘅地方，今次捉埋另外兩個朋友去時，可以一次過叫晒雞翼，同埋豬扒，佢呢度啲雞翼同埋豬扒係你叫嗰一刻佢先開始炸，好嘢當然要時間去等啦，大約等咗8分鐘左右，大部份嘅食物已經送到上枱面，而且仲係好熱嘅添，唔多介紹啦。總之一句佢啲雞翼真係炸得好好食

今日有時間再走咗去食根記大排檔，今次叫咗雞翼餐肉同埋煎蛋配公仔麵，一如以往對佢啲食物有期望，雞翼今次分開上。你嗌果下佢就即刻煎俾你。水準完全keep到。我一個禮拜就去食一次。遊山客食到去邊熟客。

經過上一次試完之後已經深深地愛上咗根記大排檔嘅早餐，於是今朝偷偷地再走落去食多次，今次食嘅唔係佢煮嘅味道，而係佢嘅人情味，點解唔講呢？因為我食完之後買單嘅時候發現冇現金起身，同佢講不如我放低個電話佢撳完錢返嚟贖返佢啦，老闆娘二話不說就話唔使啦，下次嚟先再俾啦。😱今時今日嘅香港好少見到有呢啲咁人情味嘅舖頭，所以今日嘅食評係寫人情味。

今日早餐走咗去深水埗大排檔食就係呢間根記大排檔，佢最出名係生煎豬扒，生煎雞翼，我哋今日叫咗個雞翼出前一丁同埋豬扒出前一丁，豬扒同雞翼你叫咗之後佢會喺你面前即刻煎即刻炸，豬扒炸到啱啱好好Juice，雞翼亦都係煎到好好味。呢度消費唔高，平均每人$50就可以出門口有大排檔嘅風味有人情味，各位經過可以試一試

everytime i walk by, seeing the dirty water on floor, must not feel comfortable. but actually this may be the hidden pearl in the sea.no service❌no environment❌no good seat❌but very good food✅pork-chop is freshly fried. big size, serve with sweeten saurce. crispy outside, tinder inside.i know girl must dislike this place, must say "咁污糟點坐 / 麻甩佬野唔方好食" they have such discrimination to such places. i dont blame them, but they will never ever taste this best food in their life😠

根記 深水埗 早排唔知睇乜節目話深水埗有間港式大排擋野食唔錯。見呢排天氣涼涼地…就貢去試下。大熱天時真係咪搞…😅😅😅原來位置係愛紋身對面…呢度點公仔麵就一定俾出前一丁…但呢度最特別既係有幾款味你揀…立下眼有原味…海鮮…咖哩…黑蒜。餐牌寫住招牌菜係雞翼同豬扒…無奶油唔跟機。咁就每樣一碗 …麵就要咖哩味(好耐無試過)同黑蒜豬扒同雞翼即叫即炸…熱辣辣豬扒都幾鬆化…味道都唔錯雞翼就好貼心剪開左方便食…味道都係唔錯麵就煮得唔錯…al dente😂😂😂但杯奶茶就真係麻麻地不過黎大排檔主要食下風味…可以一試

根記大排檔係奶茶、咖啡、 奄列、多士、公仔粉麵、小食專門店， 午市仲有幾款碟頭飯畀大家揀，冇其他有小炒、海鮮等等嘅入鋪大排檔， 而係全香港寥寥可數，真係喺路邊嘅大排檔，只係做早午下午茶。😊呢度最出名嘅就係秘製豬扒，十個客九個客人都會點。 醃豬扒嗰陣時加入少少嘅薑汁能夠更加帶出豬肉嘅味道，唔會腍唔會太硬有啲口感。 😋麵底一律提供出前一丁嘅公仔麵，基本上你要咩味道嘅佢哋都會有，所以就可以按自己要求揀自己鍾意食到嘅湯底夠曬特別。😁

任何麵食套餐，麵和主菜都要配合得好！試過其他茶記豬扒好食，但麵生骨，有時甚至成個麵形仲喺度，離晒譜😰好鬼鍾意佢個檔！貼地(香港紥根大排檔)根記，麵質軟硬度拿捏得啱啱好！雞翼丶豬扒都超水準！食過就返唔到轉頭！佢哋要開分店啦！19區都要有唔該🙏🙏🙏

食過咁多地方嘅炸豬扒！個人最愛就係呢間根記！炸得香口同有咬口！感到係兒時食過嘅味道！仲可以自選各款出前一丁！豬扒真係腌得非常入味！同其它D冇味豬扒完全不同！配埋個水滾麵靚嘅一丁，配大可樂都只係$39！凈食豬扒$19！真係好滿足

講到全香港最好食嘅茶記style炸豬扒，我真係數唔到有邊幾間，因為只得根記。與其話佢係一間大排檔，應該話佢係一間茶檔比較貼切。 一個用鐵板架起嘅路邊小屋，兩個歷盡風霜、 實務實幹嘅石油氣爐頭，配合一個對用具及出品瞭如指掌嘅老闆兩夫婦，加幾個用心工作嘅伙記，成就左天下第一豬扒嘅誕生。呢度嘅豬扒有咩好？冇嘅，只係肉比人嘅多汁嫩滑d、炸出嚟比人地嘅皮脆香口d、底味比人地醃得足又唔會過咸dd... 就係點計都比人地好dd就夠喇。要知呢件豬扒嘅原材料唔係貴野，而做到你叫我如果唔知嘅話喺度比150蚊叫個炸豬扒配沙律我都覺得物超所值嘅話，呢塊豬扒必定經過精心計算、實踐、反複修正而做出嚟。因為係open kitchen 嘅關係， 你會見到員工醃肉時非常認真落料非常足嘅同時，你又見到老闆用熊熊烈火去炸，調教火喉嘅功夫真係恰當好處，順帶一提唔想食飯佢重有一系列嘅出前一丁畀你揀包保啱你口味，而佢煮嘅一丁又係另一杰作，可以用碗碗都可以煮到好Al Dente嚟形容。如果得閒行過可以一試，想君定必難忘，然後經常返桌。

之前工作的時候，都間中會來到這個排檔，因為這個排檔的豉油豬扒，豬扒不會醃到完全沒有肉味，或者太林完全沒有咬口。以往工作時間前來午餐，通常都會叫豉油汁豬扒蛋飯，豉油輕微甜，不會太鹹，豬扒輕輕煎炸過，非常之香口。這是下午茶時間左右，應該三四點，可能由於星期六日，餐廳都人流不多，而且都開始陸續收拾起來，讓晚上的時間旁邊飯店可以早一點準備。豬扒蛋麵，豬扒還是肉肉的質地，有點兒炸過的香脆，但是豬扒味道保留口感，不會顯得完全沒有味道；但即使沒有醃到很林很軟，豬扒保留少許肉味，黏骨部份，通常質地像最為美味。凍檸茶，冰不多，茶味濃，檸味香。這些茶檔，才是本土文化，那些遊客，看那些什麼小紅書，或是什麼介紹，都介紹翠華茶餐廳，還是什麼民豐餐廳，根本，我在小時候，都從來未聽過什麼民豐餐廳，這些地道茶檔，才是值得保留的文化。

今日約人去深水埗， 行經此大排檔有點肚餓，因為只食了早餐， 在檔口徘徊了一陣， 有位女士走過來， 相信應該是大排檔的檔主， 嗰時已差唔多下午五點， 佢同我講五點收舖， 我本想離開之際， 檔主問我係咪要食嘢， 仲話會整埋我嗰份先至收工， 咁有誠意我就即刻叫咗碗餐蛋麵， 碗麵係即叫即整， 煎蛋新鮮煎起， 並不是煎起咗擺咗好耐嗰種， 麵底係普遍用嘅大光麵， 三塊餐肉加一件煎蛋， 已經算係落足料， 佢哋一邊執拾檔灘， 讓我食完先至收工， 經營大排檔有此服務水準， 其實都好難得。

朋友帶我黎呢度食野，之前經過都無真正坐低食。今日就試下先。不過黎到大排擋就要唔好期望地方太過整潔之類，主要食物好食就得。我點左雞翼蛋面，而湯底就揀返最原始既麻油味。出面好少地方可以比人揀，但呢度都幾特別。雞翼幾香口，應該似醃左幾耐。蛋同面就無特別，正正常常。

剛好在這一陣子光顧了根記與蘇記，兩間深水埗茶檔🥢，可以一併打篇食評。幾年之前花園街的乾貨排檔大火，令到很多排檔都已經燒毁，然之後換成新的排檔。而深水埗有些排檔食肆，亦都結業，有些成為了商店，這種本土的地道排檔，的確越來越少。有報道曾指，根記大排檔四十年代已屹立石硤尾街，是全港歷史最悠久的大牌檔之一😯。以往，去過中環數間大牌檔（鮮茄牌檔、奶茶牌檔、糖水排檔），都不太滿意😩。其實，想深一層，可能只因大家都太過目標為本，本著去嚐「只應天上有」食品的心態，迢迢千里跨區🚇🚃探訪茶檔，當然容易失望，如像我這般，路過嚐嚐，可能又別有體會。又原來，據說本港只剩廿多間大排檔，主要在中環、石硤尾、深水埗區，故此，在深水埗區工作，不用交通，便可在此類茶檔用膳，方便快捷，憶舊情懷，嚐茶品茗。我發覺，其實，隨着連鎖店鋪進駐本土地區，就連荃灣、深水埗、土瓜灣、長沙灣，都見到很多地區也有的連鎖餐廳，連細細間的餐廳也好像越來越少。這個時候，應該更加要珍惜茶檔，因為畢竟，這種茶檔，衛生環境可能比較差，而且會有人在旁邊吸煙，商業為重的社會，可能很快會把這種餐廳趕絕🤔。某天，又獨自走到附近，為免重複吃過的東西，幾次也只經過