讚好台灣

营业中

休息中

经常路过，门口阿姐非常热情，但今日先第一次食。行到门口已经系将近夜晚9点，门口阿姐仲喺度招呼客人入座。店内装修同门面皆以浅色木料为主，配以黄色灯光，恰到好处。地板应该系有多年历史。阿姐送来餐牌同落单用嘅纸笔。好快就决定嗌一份卤肉香酥排骨饭试试水。等候时未见有飞虫曱甴之类，卫生条件唔错。店内客人较多，等餐大概用时十五分钟。应该系即叫即整，唔系流水线作业。餐来咗就先试吓炸猪排骨。新鲜热辣，炸得啱啱好。外皮酥脆，内部多汁。猪排骨系甜口嘅，粉皮嘅味道仲有啲似菠萝飞饼，真系好好味。食嘅时候谂起好多过往嘅美好回忆。炸猪排骨唔算系咩高级菜式，一般茶记，小食档有，大酒家，日料店亦都有。自己都有时喺屋企自己整。但今次嘅水准真系远超预期。可能系我今生今世食过嘅最好食嘅炸猪排骨。但就唔知算系个例定系日常。有待观察。会再试多几次。至于卤肉都几好味，菜脯脆卜卜，卤蛋同生菜就系正常水准。亦有红萝卜丝配餐。颜色都几丰富。美中不足系茶水欠奉，要系有就更加好。