影片
更多
2024-09-07
4204 浏览
讲开食车仔面就会谂起，香港经典嘅周星驰电影食神里面嘅火鸡姐！车仔面以前又名“那渣面”，总之就系立立杂杂，咩都有。以前食车仔面系一件好平好抵食嘅事，而家落深水埗食碗车仔面叫几个𩠌分钟都要100蚊呀！今日嚟到呢一间门口大排长龙嘅华记潮州卤水，就嚟试一试佢咁出名嘅卤水咖哩汁辣椒油同埋那渣面啦！值得一齐嘅就系佢呢度有一款成日都畀人叫做阿bob面嘅😆因为有明星阿bob加持过😆作为最钟意食肥肠嘅人梗系要食一食佢个猪杂面啦！🐖猪杂面重口味中辣汁真系唔讲得笑，真系辣到飞起呀！不过就系钟意呢种咁爽嘅感觉而佢嘅猪杂里面有猪心、猪脷、猪横脷、猪润、猪大肠、猪粉肠！可能系我食过嘅猪杂里面最齐嘅一间，好彩佢冇猪腰因为我本身都系唔食猪腰嘅😆佢个汤底加咗咖哩汁再加埋辣椒油再加埋腩汁再加埋卤水汁真系不得了，真系好辣呀😆🍜三𩠌车仔面都系几十蚊一个唔会好贵可能平过出去食个lunch，叫咗鸡翼大鱼蛋同埋鸡肾，卤水鸡翼都几入味唔会好浓口！大鱼蛋几好食畀爽口，鸡肾就觉得略嫌佢硬咗少少！原来唔食辣嘅汤底都几好食㗎㖞！汤头好甜呀！🦑新鲜鱿鱼须呢个超赞啦咁平嘅价钱有咁大碟！里面有啲炸香嘅花生，捞上秘制嘅辣汁，非常惹味！🦐酥炸太阳饼太
车仔面以前又名“那渣面”，总之就系立立杂杂，咩都有。
以前食车仔面系一件好平好抵食嘅事，而家落深水埗食碗车仔面叫几个𩠌分钟都要100蚊呀！
今日嚟到呢一间门口大排长龙嘅华记潮州卤水，就嚟试一试佢咁出名嘅卤水咖哩汁辣椒油同埋那渣面啦！
值得一齐嘅就系佢呢度有一款成日都畀人叫做阿bob面嘅😆因为有明星阿bob加持过😆
作为最钟意食肥肠嘅人梗系要食一食佢个猪杂面啦！
🐖猪杂面重口味中辣汁
真系唔讲得笑，真系辣到飞起呀！
不过就系钟意呢种咁爽嘅感觉而佢嘅猪杂里面有猪心、猪脷、猪横脷、猪润、猪大肠、猪粉肠！可能系我食过嘅猪杂里面最齐嘅一间，好彩佢冇猪腰因为我本身都系唔食猪腰嘅😆
佢个汤底加咗咖哩汁再加埋辣椒油再加埋腩汁再加埋卤水汁真系不得了，真系好辣呀😆
🍜三𩠌车仔面
都系几十蚊一个唔会好贵可能平过出去食个lunch，叫咗鸡翼大鱼蛋同埋鸡肾，
卤水鸡翼都几入味唔会好浓口！
大鱼蛋几好食畀爽口，鸡肾就觉得略嫌佢硬咗少少！原来唔食辣嘅汤底都几好食㗎㖞！汤头好甜呀！
🦑新鲜鱿鱼须
呢个超赞啦咁平嘅价钱有咁大碟！
里面有啲炸香嘅花生，捞上秘制嘅辣汁，非常惹味！
🦐酥炸太阳饼
太阳饼里面有一只鲜虾同埋有鱿鱼都几好味！！
饮品方面我哋就嗌咗王老吉同埋豆浆，呢一餐真系超满足佢系我食过嘅车仔面里面最好食嘅三甲
张贴
