築地GINDACO (裝修中)

每逢行APITA，经过food court总系人头涌涌，几间店舖最吸引的一定非呢间章鱼烧莫属，呢间店舖卖嘅食物款式唔多，但章鱼烧即叫即整，每个拎住嘅章鱼烧都冒住烟热腾腾，我今次叫都唔例外～由于一个人食唔到咁多，所以叫左22蚊4粒嘅原味章鱼烧。章鱼烧放上纸制小船，每粒都大大粒帐卜卜，加上烧汁、沙律酱、紫菜同大量木鱼碎，斋睇未食卖相已经非常吸引！章鱼烧新鲜热辣，内馅太热要逐小逐小咬开外皮，外皮脆口，配上酱汁同配料口感非常过瘾，剩食内馅粉层都唔觉漏！章鱼份量唔多刚刚好，食落爽口弹牙，同软绵绵嘅内馅一齐食味道好夹，食唒4粒仲觉得唔够喉，好想encore！咁多间章鱼烧店舖，系呢间先真系做到外脆内软，系章鱼烧迷必食推介！