士林棧 (已結業)

今日行过，见到台湾嘢眼前一亮，就走左入去食。我系台湾牛肉面嘅fans，所以叫左古早牛𦟌面。佢另外有清汤版，但我都系钟意红烧嘅汤。。第一啖先试汤，umm 觉得如果真系要同台湾比，佢系淡左一点，五香嘅味道唔够重，汤可再煲浓郁点。。面系用阳春面，唔系太索到汤嘅味道，但牛𦟌几好味，本来怕会好难咬，但系好林又无痴牙。。下次会试其他嘢珍珠奶茶都系偏淡少少。。可试其他嘢饮。。不过，题外话，做食客都要有品的，我头先食食下遇到三个一齐嚟嘅女人，想我同另一边个都系食到一半嘅女仔其中一个起身让张台俾佢一齐坐，讲真，我未开始食有咩所谓，但已食到一半啦。。店员叫佢地分开坐住先，无可能叫我地食食下起身，佢话，咁我食第二间啰，店员无理佢，佢望下我个碗，见食净一半就话坐低先啦咁，但坐低后又继续讲话唔明点解唔叫我地起身，起码讲多两三次，终于我都忍唔住讲，我食到一半妳觉得叫我起身无问题？我就得啦，食完咪俾妳啰。。果时，我嘢饮都未嚟，所以同店员讲，我外卖杯罢啦，废事阻住人地坐埋一齐😡😡，店员都笑笑之后整俾我。。我衰D 就唔出声再慢慢饮埋杯嘢先起身，但废事再见到佢个样，所以起身走！做人做食客都不要太自私呀！