影片
更多
2024-03-03
1377 浏览
咁啱去柴湾做嘢，响Google地图揾吓有咩好嘢食，见到呢间餐厅几高分就订位食个lunch。Lunch时间餐厅大约一半满。我拣咗望海的座位。Lunch set我拣咗餐汤、慢煮牛腩排、热Latte，另外加个Tiramisu。餐汤系磨菇汤，磨菇几足料，细细粒有少少咬口，唔知系咪我偏重口味，我觉得好似落唔够盐。餐包系普通嘉顿餐包，有焗番热，甚至有少少㶶/脆皮面添。主菜慢煮牛腩排，上菜个样都几好，虽然将两块扒叠起嚟上菜我觉得有少少怪。切开旧扒，中间有一条好粗嘅牛血管我唔系好切得断。佢配俾我嘅系普通餐刀，所以问佢有冇扒刀，结果佢话冇。如是者，我每切一吓都要同𠮶条血管搏斗。牛扒调味系盐同黑椒，味道唔错。我系order medium，本来切开我觉得都ok，但食食吓发觉有啲奇怪，因为一碟扒切开有三个唔同嘅熟度，中间流晒血，最边𠮶度煮到变咗全熟。本来煎扒熟度唔均匀系可以理解嘅，毕竟牛扒都有厚薄唔均匀。但系，佢自称「慢煮」咁就有问题喇。慢煮嘅medium系应该浸到块扒变粉红色，唔渗血，再轻轻煎番个牛扒表面，增加番个煎嘅香气。所以慢煮嘅扒应该系成块都差唔多熟。如果唔打算用慢煮嘅方法，其实menu唔写𠮶两个字唔
Lunch时间餐厅大约一半满。我拣咗望海的座位。Lunch set我拣咗餐汤、慢煮牛腩排、热Latte，另外加个Tiramisu。
餐汤系磨菇汤，磨菇几足料，细细粒有少少咬口，唔知系咪我偏重口味，我觉得好似落唔够盐。餐包系普通嘉顿餐包，有焗番热，甚至有少少㶶/脆皮面添。
主菜慢煮牛腩排，上菜个样都几好，虽然将两块扒叠起嚟上菜我觉得有少少怪。切开旧扒，中间有一条好粗嘅牛血管我唔系好切得断。佢配俾我嘅系普通餐刀，所以问佢有冇扒刀，结果佢话冇。如是者，我每切一吓都要同𠮶条血管搏斗。牛扒调味系盐同黑椒，味道唔错。我系order medium，本来切开我觉得都ok，但食食吓发觉有啲奇怪，因为一碟扒切开有三个唔同嘅熟度，中间流晒血，最边𠮶度煮到变咗全熟。本来煎扒熟度唔均匀系可以理解嘅，毕竟牛扒都有厚薄唔均匀。但系，佢自称「慢煮」咁就有问题喇。慢煮嘅medium系应该浸到块扒变粉红色，唔渗血，再轻轻煎番个牛扒表面，增加番个煎嘅香气。所以慢煮嘅扒应该系成块都差唔多熟。如果唔打算用慢煮嘅方法，其实menu唔写𠮶两个字唔会影响个presentation嘅？
伴碟嘅蔬菜落咗醋同蒜蓉汁，比较特别。个薯蓉最好食，牛油味好香，真系用薯仔嚟推，唔系薯蓉粉开。
Tiramisu味道系正常嘅，不过食落仲系太冻，有少少未退冰嘅感觉，如果提早少少拎出嚟放室温会比较好。同埋咖啡味可以再重啲，感觉上啲饼未浸够咖啡。
杯Latte有少少震惊到我，虽然我都估佢系咖啡机出嚟，但个奶泡面好似生嘢咁一挞挞真系好样衰。饮落冇问题嘅，正常味道。
响柴湾工厂区收得$248+10%，评分又咁高，本来有少少期望。可能柴湾区嚟讲佢系好顶尖？食完我唔明点解会系4-5分。非常普通嘅港式西餐，材料系靓嘅但煮法有待改善。
值得一提两点：
1. 预订一位系比较困难。网上订位只接受两位或以上，我尝试打电话去订位，接电话𠮶位男士叫我WhatsApp 番同一个电话号码订位。我下午6.30pm send咗message 过去，结果佢2:15am先send番confirmation俾我。
2. 坐窗口位嘅时候，个冷气吹到正我个头同后颈，餐厅话因为厨房𠮶边好热，所以唔可以熄细个冷气。之但系，你装咗个冷气档板，系可以调节个吹风角度㗎？点解你要较到吹住个客个头呢？可唔可以吹高少少，高过个头呢？同埋其实吹到啲嘢食冻晒，全餐饭基本上系冻食，除咗杯咖啡啱啱上嚟有两口系暖嘅，唔够5分钟都冻晒。所以，响呢间餐厅食饭，拣个可以热食嘅位似乎系比较重要。
张贴
