巧手製作

营业中

休息中

好耐无试过买外卖返公司食喇，星期六两个努力工作嘅人唔想出去等位影响收工时间，所以决定食呢间有肉夹馍同其他点心嘅外卖店。呢间外卖点心店都系唐记包点嘅集团，点心类嘅味都系差唔多，饭类就多咗选择，另外仲有肠份，味道都可以。两个人每人几十蚊都几饱。饭，点心，饮品有套餐。可能系世界上最早嘅中式汉堡包，生姜烧豚肉肉夹馍，同西式好唔同，包比较无咁干，有咁上下厚度，口感扎实啲，又唔会吸晒中间嘅汁变到淋晒，几好味。鹌鹑蛋烧卖，呢个一般，我觉得传统烧卖好食啲。鸡紥，呢个都系一般，可能摆得耐，腐皮干干哋，有啲细件。翡翠鲜虾肠，当然无得同布拉肠粉比，无𠮶种软滑，但都算唔错，虾都几多，肠粉又唔会太厚粉，豉油就唔记得比。糯米鸡嘅卖相有啲差，有只鸡翼，冬菇，咸蛋黄同碎肉酱，唔错。凤爪排骨饭，好耐无食过，好似比唐记好，𩠌多啲，饭无咁硬，几好吖。