影片
更多
2015-10-13
345 浏览
排骨饭有大埔林记、新明发手屈一指。依家多左铜锣湾晓厨鸡饭可以同佢地争一日之长短！Lucky 呀，见到师傅刚刚蒸起盅头饭，新鲜出炉烟雾弥漫呢！款款都好靓仔，发晒光、闪令令、香喷喷！一心黎食排骨饭，食左您先。推出左新炖汤套餐㖞，蒸饭加炖汤只系 $48，抵食夹大件！原盅淮山杞子虫草花炖鸡汤，无敌既紫砂炖盅，能够保持食材原汁原味，一点一滴既精华绝对唔会流失。热辣辣香喷喷，倒落只碗度先慢慢品尝。汤汁清彻香甜，特浓鸡汤味散发著淮山杞子既清甜。越饮越想饮，等唔切用匙羹续小续小饮喇，一下子大大啖豪爽地饮先够𣈱快，拿起只碗清左去啦。估唔到份量足足有两碗呢，饮完全身兴烚烚，暖笠笠大满足。豉椒蒸凤爪排骨饭，食左晓厨咁耐，依次超水准表现！开心死。卖相靓仔唔在讲，新鲜出炉肉香扑面，点忍得唔食您落肚呢。色泽鲜艳湿润立立令，淋上甜豉油点缀一番更加吸引。索一索浓郁排骨香味夹杂清香豉油味，口水直流。因为无油纸供应作垫枱用，油纸可以吸走多余水蒸气及油份，可以令饭同肉更加干爽。无油纸的话，我喜欢毕落个碗度食，方便将豉油跟饭捞得更均匀，每一粒饭都要沾上豉油呢。原盅排骨跟饭一齐蒸熟，排骨既精华、肉汁已完全渗进饭粒之中。系碗度大
排骨饭有大埔林记、新明发手屈一指。依家多左铜锣湾晓厨鸡饭可以同佢地争一日之长短！Lucky 呀，见到师傅刚刚蒸起盅头饭，新鲜出炉烟雾弥漫呢！款款都好靓仔，发晒光、闪令令、香喷喷！一心黎食排骨饭，食左您先。推出左新炖汤套餐㖞，蒸饭加炖汤只系 $48，抵食夹大件！
原盅淮山杞子虫草花炖鸡汤，无敌既紫砂炖盅，能够保持食材原汁原味，一点一滴既精华绝对唔会流失。热辣辣香喷喷，倒落只碗度先慢慢品尝。汤汁清彻香甜，特浓鸡汤味散发著淮山杞子既清甜。越饮越想饮，等唔切用匙羹续小续小饮喇，一下子大大啖豪爽地饮先够𣈱快，拿起只碗清左去啦。估唔到份量足足有两碗呢，饮完全身兴烚烚，暖笠笠大满足。
豉椒蒸凤爪排骨饭，食左晓厨咁耐，依次超水准表现！开心死。卖相靓仔唔在讲，新鲜出炉肉香扑面，点忍得唔食您落肚呢。色泽鲜艳湿润立立令，淋上甜豉油点缀一番更加吸引。
索一索浓郁排骨香味夹杂清香豉油味，口水直流。因为无油纸供应作垫枱用，油纸可以吸走多余水蒸气及油份，可以令饭同肉更加干爽。无油纸的话，我喜欢毕落个碗度食，方便将豉油跟饭捞得更均匀，每一粒饭都要沾上豉油呢。
原盅排骨跟饭一齐蒸熟，排骨既精华、肉汁已完全渗进饭粒之中。系碗度大力跟排骨、豆豉、红椒、豉油兜混，立即一大羹肉连饭送入口，电极一般既感觉唤醒舌头上每颗味蕾！排骨软棉多汁，充满弹性美味极致，再被饱满咽韧既饭粒重重包住，加上豉椒独特香味带微辣，惹味非常！一击必杀，从未如此好味过！
试完原味，排骨又食晒，系时候加晓厨独门香辣辣椒油捞饭喇！既香且辣，仲有点 XO 酱既影子添，越食越开胃，三爬两拨已完全纤灭！太美味搞到唔够饱添，我想食多碗呢！唔系讲笑，唔好比佢停，好事成双，食多碗先！
北菇蒸鸡球饭，无骨鸡柳啖啖肉，见到都兴奋呀！哗，外观坚系靓到金光闪闪，白雪雪鸡柳泛著肉汁，即刻想冲前咬翻几啖啦！浓郁鸡香味由鼻孔直冲脑袋，原盅鸡柳跟饭一齐蒸熟，原汁原味被饭粒吸收晒，直头系鸡油饭呢！
Step by step，依旧先淋豉油，再毕落只碗度酱鸡肉、饭粒、豉油都捞得完全均匀。开动！一啖食左件北菇先，高质菇味浓，又爽又甜又滑又多汁，一件必定唔够喉。
随后一大羹饭再放一大旧鸡一啖过，将整个口塞得满满的。巨形鸡柳香甜无比，腌得入味醒胃，鸡味特浓，质地滑溜，每一口都爆出肉汁，juicy juicy！大满足，感觉震撼。配上干爽咽韧饭粒，泛著豉油清香，有无咁好食呀？不得了，真系可能系全香港最好食既蒸鸡饭！根本停不了手，大啖大啖地狼吞虎咽，太好食。最后剩低少少饭，捞大量辣椒渣食埋去，刺激、好味、开胃，必试！
两饭一汤，第一次叫两个饭而一个点心都无食，不过好满足又好开心，好好食！价廉物美，物超所值！好快会再黎叹过，正！
张贴
