Smokey Ice (已結業)

食甜品系我哋几个朋友饭后嘅指定动作，仲要每次都系4-5个人叫6-8样嘢，仲一定会食得哂！但今次真系。。极度失望 谂住呢间新嘅甜品店 装修唔错 ，门口嘅menu都几吸引， 就入去试下啦！因为夏天。。一坐低就一人叫一杯嘢饮先， 什么火之恋，雪之恋 。。都系毫无诚意嘅作品 😓只系唔同颜色同味道嘅糖水加水加冰，已经知道伏咗！普通到连相都无谂过要影。仲叫咗个菠萝金宝同蜜糖鸡翼， 两样都系同一样色就系炸㶶咗嘅颜色。。菠萝金宝 ～～真系可以用不知所谓四个字嚟形容， 从未试过咁难食嘅甜品，我哋只系食咗三分一就已经摆咗喺度，因为佢做出嚟嘅样就系菠萝放喺底，有啲碎湿湿㶶咗嘅饼干就咁放咗喺面，好似两样嘢系应该分开食咁样！同埋我真系觉得如果一间食市连炸鸡翼都可以整得难食嘅真系好难。。你劲你得咗！以上两图都是我哋食净咗唔敢再放入口！其实我谂我哋真系叫错嘢，系我哋唔啱 ，应该要叫番𠮶啲大大只字推介𠮶啲甜品先得，什么七成熟牛扒雪糕呀。。 炸雪糕之类嘅嘢会好啲！