鶴亀 (已結業)

黑松露慢煮安格斯牛沾面 $198以往我觉得最好食既沾面系富士山55，或者系元祖沾面既极上芝士海胆沾面（呢间其他面都系麻麻），但鹤亀既安格斯牛沾面真系刷新左我既第一位。今次照旧简左硬面，面质都唔错，非常弹牙，而且份量都几多，唔洗加面都得。汤底真系世界级，离远闻已经闻到好浓既黑松露味， 应该系豚骨汤底加左黑松露香料（唔知系咪戴番头盔先），每一次放啲面或者肉落去都唔会抢左个味呢样野先劲！安格斯牛呢个主角当然都系好出色喇，首先有五块已经系赢晒，仲要每块牛既牛味都好出，脂肪比例完美！仲有就系呢个沾面系限量供应架，想食记住早啲去排队喇！