立濱 (已結業)

① 真鲷
第一件登场嘅系真鲷鱼寿司，面头加咗小小辣萝卜蓉，鱼嘅肉质较腍身，第一次食好新鲜，估唔到加咗辣嘅调味但又唔会抢咗fo🤭

19 浏览

② 石鲷
第二件都系鲷鱼，但今次系石鲷，油脂比真鲷重，口感较实净，面头搽咗小小柚子酱，即刻将佢嘅鲜味提升咗唔少😋

10 浏览

③ 鲜帆立贝
一上到黎，我哋都哗咗出声🤭 因为实在太肥美啦！帆立贝加咗少少青柠汁系面，食落好fresh好鲜甜，估唔到咁夹，口感十分爽口，几高质！

④ 金目鲷
跟住又系食鲷鱼，金目鲷！佢嘅肉质非常柔软嫩滑，师傅好有创意咁系面头加咗柚子烧汁啫喱，呢个真系画龙点睛😆 令成旧鱼食落有啫喱嘅口感之余，仲好清新！

⑤ 深海池鱼
下一件终于有新鱼食，系食池鱼🤤 池鱼比鲷鱼油脂更重，口感非常结实，果然系深海鱼！面头竟然加咗姜葱，估唔到中式配料同生嘅海鱼都夹到，佩服师傅嘅创意👍🏻

⑥ 老翁
新鱼again！个名叫老翁，好盏鬼好特别🤪 由于佢炙烧过，油脂特别丰富，面头加咗啲柚子胡椒，带小小辣，但好惹味，好钟意佢呢个配搭😍

24 浏览

1 赞好

⑦ 阿根廷赤虾 / 喜之次
而第七件本应准备咗阿根廷赤虾，但由于男友唔食得生虾，所以师傅好好人咁帮我哋准备咗另一件叫喜之次嘅寿司😋

阿根廷赤虾大大只，面头有大大pat虾膏同蟹膏，好creamy，而赤虾食落口感劲爽口弹牙，好味🤤

14 浏览

1 赞好

喜之次呢种鱼真系第一次听，同样地，师傅都有炙烧过，将佢嘅油脂提升到最高点，食落好多鱼油好肥美🤩 而面头加咗啲啲面豉酱，平衡返，令到佢无咁油腻😌

10 浏览

⑧ 中拖罗
第八件终于到咗我最期待嘅拖罗啦😚 呢件中拖罗师傅用咗酱油渍嚟调味，食落口感软腍，面头有少少Wasabi，可以带出拖罗嘅鲜味🤤

⑨ 北海道海胆
嚟到第九件，不得不佩服师傅嘅安排，果然寿司越后越有惊喜！身为海胆控嘅我，见到呢旧寿司铺满晒海胆，真系难掩心中激动😍 海胆食落超级creamy，有入口即溶嘅感觉，最重要嘅系佢一啲腥味都无，超鲜甜，推介😆

10 浏览

⑩ 大拖罗
果然压轴登场嘅系重量级嘅寿司——大拖罗🤩 虽然我唔系好熟唔同嘅鱼，但都知道大拖罗系拖罗入面系最重油脂嘅！而呢旧大拖罗仲要烧过嚟，食落口成个口腔都充满住鱼油😍 而且烧过后肉质更加入口即溶，再加埋面头减油腻嘅葱，呢个配搭简直系Perfect match！

另外，我哋仲追加咗一啲自己想食嘅寿司😛

⑪ 活赤贝 $38
呢件活赤贝都几大只下，望住都好满足🤤 食落非常爽口，而且面头加咗青柠汁，即刻提升咗佢个鲜味，虽然好鲜，但有啲唔系好够甜🤔

⑫ 炙烧三文鱼腩 $20
由于成餐饭都无食过三文鱼，所以我哋得以嗌咗一件炙烧三文鱼腩，鱼身都几厚身，如果再大旧啲会再开心啲🤣 同样一咬落去啲油脂咇晒出嚟，好满足😆

⑬ 炙烧左口鱼裙边 $25
我自己本身都几钟意食左口鱼裙边，特别系炙烧过嚟嘅，因为鱼油超级丰富😝 而呢件寿司系唯一一件用紫菜包住嘅寿司，原因就系要减低左口鱼裙边嘅油腻感👍🏻 食落紫菜仲十分脆，左口鱼裙边烧到好香口，鱼油渗埋入寿司饭入面，好好食😍