影片
更多
2024-11-17
242 浏览
以前会去中环同铜锣湾店，最近去湾仔店多， MOKO店第一次帮衬，好彩之前有帮衬过其他分店，否则永远Blacklist。舖头唔大，两个人做嘢，现场冇其他单，都要嗌个职员先至过嚟落单，店员态度冇问题但手脚劲慢，连埋件曲奇接近10分钟先有得饮。杯嘢出嚟好靓，渐层永远都赏心悦目，但系奇怪，啲开心果酱喺个底度，杯奶水本身就冇乜味，个奶盖又系冇乜味，一边饮一边搞嚟搞去杯嘢都好似冇味，我搞唔清系咪杯嘢整错，平时去其他分店买其他嘢饮，都觉得OK嘅。其实40几蚊都几贵，疫情嘅时候出𠮶啲简简单单珍奶$20左右，都唔错呀，起码「健康」啲。最后，俾钱嘅时候想用商场积分，见佢枱面都有放个牌，职员话佢哋净系可以储分唔可以用分，我问佢摆个牌出嚟做乜，咁个职员就收返埋个牌。
舖头唔大，两个人做嘢，现场冇其他单，都要嗌个职员先至过嚟落单，店员态度冇问题但手脚劲慢，连埋件曲奇接近10分钟先有得饮。
杯嘢出嚟好靓，渐层永远都赏心悦目，但系奇怪，啲开心果酱喺个底度，杯奶水本身就冇乜味，个奶盖又系冇乜味，一边饮一边搞嚟搞去杯嘢都好似冇味，我搞唔清系咪杯嘢整错，平时去其他分店买其他嘢饮，都觉得OK嘅。
其实40几蚊都几贵，疫情嘅时候出𠮶啲简简单单珍奶$20左右，都唔错呀，起码「健康」啲。
最后，俾钱嘅时候想用商场积分，见佢枱面都有放个牌，职员话佢哋净系可以储分唔可以用分，我问佢摆个牌出嚟做乜，咁个职员就收返埋个牌。
张贴
