金域冰廳

营业中

休息中

小妹上星期跟公司去铜锣湾开会，因为赶时间谂住附近就脚就入去帮衬，当时店内有少量游客，亦都有几多位可以坐，由于系游客区我一个人已经问一位可以坐边，以免打搅佢哋做生意，收银话随便就得晏啲先会多人，直至我点完餐过程都正常嘅，但嘢食一到咗之后，有位身材比较瘦少嘅楼面，间唔中行到我位置就讲一个人嚟食嘢阻住佢哋做生意嘅说话俾我听，附近食客又望嚟我度，当下我只系想尽快食完，算啦当自己黑，直至琴日小妹又过嚟呢边开会，今次同埋三个同事一齐去食晏，同事就想帮衬呢间，我都已经无谂咁多只系食餐饭，一入去身材比较瘦少果位楼面就指示我哋坐卡位，当时仲有好多位可以招呼其他食客，我个同事睇紧餐牌果阵，有班唔系讲广东话拖喼嘅游客入嚟，身材比较瘦少果位楼面招呼完佢哋就坐之后，当时位未满其实仲可以招呼到其他食客入嚟，佢行嚟我哋度无出声从我同事手上抢走本餐牌放咗喺收银度，之后无理过我哋，我哋唯有走去第二度揾嘢食希望大家日后有机会帮衬到佢哋嘅话，唔会好似我咁黑，遇到呢啲情况