金域冰廳

营业中

休息中

失望，叫個烘底芝腿治外賣，已經俾佢原定時間早咗10分鐘去等，一去到就攞得，行返公司唔使1分鐘打開個三文治係凍嘅！係凍完全凍！微暖都冇！火腿又冇煎過，塊芝士唉，一心想食一個熱辣辣嘅三文治，點知係咁

呢晚夜媽媽想食宵夜，就嚟到咗金域冰廳。餐廳裝潢簡約又帶啲懷舊feel，燈光柔和，枱椅整齊，入到去就有種舒適嘅感覺，仲可以邊食邊睇吓電視。見到餐牌上選擇好多，真係好開心。我叫咗西多士。西多士一上枱就好吸引，外層炸得金黃酥脆，上面仲有一塊軟滑嘅牛油，慢慢融化滲入去。咬落去，西多士好厚身，裏面嘅花生醬味道濃郁，香氣四溢，同外層嘅酥脆形成好正嘅口感對比。呢度宵夜時段都仲有咁多選擇，而且食物質素唔錯，下次宵夜又多一個好去處～

今日去咗金域冰廳食嘢，呢間冰廳外觀就係典型港式冰室風格，門面唔算好大，但行過去就覺得好有親切感。我叫咗個瑤柱福建炒飯、西多士同埋一杯奶茶。先講瑤柱福建炒飯，呢個炒飯材料好豐富，有瑤柱、火腿、蝦仁同埋各種蔬菜，炒飯粒粒分明，鑊氣十足。同我之前喺一啲主打粵菜嘅餐廳食嘅炒飯相比，呢度嘅炒飯味道更濃郁，瑤柱嘅鮮味完全滲入飯粒入面。西多士就好正，外層炸得金黃酥脆，入面夾住花生醬，再配上一塊牛油，一咬落去，甜香四溢。同泰國嘅甜點相比，西多士嘅味道更偏向於港式甜點嘅濃郁醇厚。奶茶嘅茶味同奶味平衡得好好，入口順滑，同我喺台灣飲過嘅奶茶味道又唔同，呢度嘅奶茶更有港式風味。至於價錢方面，瑤柱福建炒飯$72，西多士$38，奶茶$30，總共$113，人均消費都算合理。唯一有啲小缺點就係西多士食多兩件可能會覺得有啲膩。我好鍾意港式冰室嘅食物，佢哋唔單止係一啲美食，更係香港文化嘅一部分。每次食港式冰室嘅食物，就好似同香港嘅歷史同生活方式有咗一次親密接觸。佢哋承載住好多香港人嘅回憶，亦都吸引住唔少嚟自世界各地嘅食客。呢啲充滿煙火氣嘅味道，總係能夠畀我帶嚟一份踏實同滿足。

今日係銅鑼灣行街，sogo 估唔到甘多人，中午揀左間位於內街既冰室，快快食個隻就算。見到佢個商務餐好似好特別，竟然係可以菠蘿油或熱狗配扒公仔麵！都只係賣緊63蚊？！時光倒流？！甘我當然係要試下佢，熱狗係正常size, 無因為配餐而減左份量，包有烘過幾有誠意，而脆皮腸好大碌，好滿足！奄列份量都唔細，啖啖肉！雞扒麵份量都好誇張。。一大塊雞扒仲有唔少既元貝粒，真係用料非常足！味道正常唔差，麵質偏淋。奶茶正常，唔錯！估唔到佢甘有誠意，真係可以再黎食過！

出外吃早餐, 要出前一丁通常要貴五元, 出前一丁確是更勝一籌, 貴得有道理。今早和老公是第一次在這間金域冰廳吃早餐, 我點了這個標榜是用出前一丁的早餐，麵來了，但一看便知道明顯不是出前一丁，老公和我也試了一口來確認。告訴侍應這不是出前一丁，她跑去向廚師反映，得來的答案是，廚師堅持他是用出前一丁麵的(沒有過來看）。我們最後只表達：“若果不是搞錯了，便是貨源問題了。” 我個人對公仔麵是有要求的，出外吃早餐，不是出前一丁麵一定不點。今次，我決定不要讓這些麵進入我的胃。出這post, 只是想告誡一下對公仔麵有要求的顧客，避免入坑。如沒要求，便不用理會我的評論。話說回來，幾位侍應態度尚可，熱奶茶和茶走是挺好喝的。

依排番左銅鑼灣，因為呀囡係樓上既大廈到學跳舞!所以連續幾個星期我哋都喺附近食早餐等接放學第一次嚟到依間餐廳職員喺門口叫我哋入嚟由於太熱情都有啲嚇親但最後都揀咗嚟依度食！因為有卡座，可以舒舒服服咁坐低食! 平時我哋一星期都食兩三次沙嗲牛肉公仔麵！平時會去敏x到食😂 但要接放學就唔行咁遠啦! 食左2-3次都覺得ok. 所以而家每次黎學跳舞! 我地都係到食個早餐其實依到早餐都唔錯! 最好味係佢個公仔麵! 我地次次都叫沙嗲牛肉同五香肉丁!! 煮得夠爽身!! 油多都好味! 夠多牛油又夠脆口!! 早餐無好高要求～ 都想支持下香港既茶餐廳~~所以我覺我都唔錯架

叫人落單冇人應你.都有人落單態度非常非常之差.落完之後又唔記得客人落過啲乜嘢又要重新講多一次態度非常差.你根本聽唔明個侍應講啲乜嘢.仲要好鄙視你咁落單貼錢買難受.

食物一般，服務質素十分惡劣，點餐小牌「掟」埋張枱度，點餐隔幾條街問你要乜，服務員係傷殘人士嗎？又唔係繁忙時段，成間茶記有一半係空位，洗乜咁粗暴？呢啲係乜嘢態度？最「勤力」的伙紀邊呱呱呱嘈邊走埋張枱度拎走紙巾盒，又唔戴口罩，噴晒口水落食物度，真係噁心！放番𠆤紙巾盒落枱又係「車」埋嚟，奶茶都幾乎打瀉！咁多間茶記，千祈唔好幫襯呢間！總之，就係呢D咁差嘅茶餐廳破壞哂飲食業！衰到冇人有！千祈唔好去，受罪！

因為本人看錯外賣自取落單分店地址本人已支付相應的外賣價錢 本人打電話過去銅鑼灣分店告訴他們的員工：唔好意思，我落錯地區oder 不需要退還金額是本人的過錯 點知對方不但止直接收線 然後再打多一個電話來辱罵本人 銅鑼灣此間餐廳的員工自稱自己就是老闆隨便投訴

圖片與食物完全不符！圖片半隻雞實物連¼都不知有沒有！海南雞飯的飯完全沒有味的！雞跟蒸雞一樣！唔怕難食就去啦！不是因為食飯時間周圍都沒有位置，我也不會去這間！以後也不會再去！

一邊食一邊播住啲節奏強勁既音樂大哥我想食個中餐飯姐 ….唔該🙏🏻 唔好播埋啲又急 又強勁嘅音樂唔係舞廳呀 唔係跳廣場舞呀我想食個中午飯ja 🤦🏻‍♂️野食ok ar ， 播住咁嘅歌又大聲 好趕客

茶餐廳一直都好鐘意去食，見到呢間就入左去食，地方寬敞舒適，就叫左魚香茄子炆米同埋窩蛋牛肉飯，二樣都係至愛，價錢又唔貴👍🏻魚香茄子炆米有好重喊魚味，色澤香味俱全，食落都好好味😋而窩蛋牛肉飯好濃郁的芡汁，蛋白加牛肉包圍住白飯，牛肉份量都多色澤均勻，食落蛋香俱全，好味

小妹上星期跟公司去銅鑼灣開會，因為趕時間諗住附近就腳就入去幫襯，當時店內有少量遊客，亦都有幾多位可以坐，由於係遊客區我一個人已經問一位可以坐邊，以免打攪佢哋做生意，收銀話隨便就得晏啲先會多人，直至我點完餐過程都正常嘅，但嘢食一到咗之後，有位身材比較瘦少嘅樓面，間唔中行到我位置就講一個人嚟食嘢阻住佢哋做生意嘅說話俾我聽，附近食客又望嚟我度，當下我只係想盡快食完，算啦當自己黑，直至琴日小妹又過嚟呢邊開會，今次同埋三個同事一齊去食晏，同事就想幫襯呢間，我都已經無諗咁多只係食餐飯，一入去身材比較瘦少果位樓面就指示我哋坐卡位，當時仲有好多位可以招呼其他食客，我個同事睇緊餐牌果陣，有班唔係講廣東話拖喼嘅遊客入嚟，身材比較瘦少果位樓面招呼完佢哋就坐之後，當時位未滿其實仲可以招呼到其他食客入嚟，佢行嚟我哋度無出聲從我同事手上搶走本餐牌放咗喺收銀度，之後無理過我哋，我哋唯有走去第二度搵嘢食希望大家日後有機會幫襯到佢哋嘅話，唔會好似我咁黑，遇到呢啲情況

點了雜菜煲 咕咾肉 開邊蝦和乾煸四季豆 份量足 有鍋氣 好少會特地來寫評論 但這個份量 這個惹味程度真的難得下次來銅鑼灣都會吃！！現在香港越來越少良心店，比起網紅店和滿街的日料更加令人想珍惜香港味道

今日走過本想食面餐，剛好今天面餐壞了，只能改食本日午餐，籠仔荷葉蒸土魷肉餅飯，本想著不會太大，誰知來到來有驚喜。第一，真見到蒸籠第二，真用土魷只是飯有點多了水，如果乾少少更好，如果鼓油在最後給客人時放更好。有飲料加湯送。沒有想過這定店沒有騙人，更有驚喜這麽認真製作的餐廳很少見。難怪生意不斷，在一個旺的區中有一家客人不斷的茶餐廳，確實真的難得一見。