Jacomax (已結業)

朋友家姐之前时喺上环食过呢间Pizza ,觉得好好食，一直推介我哋去试。咁岩喺湾仔见到呢间pizza店就试吓系咪咁好食。呢间Pizza嘅种类都多，问咗店员有咩介绍，佢就介绍左最出名两只薄饼。一个系T - Rex 暴龙，一个系gorgonzola&ape 蓝芝士苹果薄饼。因为我哋得两个人叫两个Pizza实食唔晒，我哋谂紧点算好𠮶阵，店员介绍话可以一半一半，可以根据自己嘅喜好选择组合，师傅会就即场整个Pizza。我哋最后叫咗一半T -Rex 一半蓝芝士苹果薄饼。师傅整紧嘅时候仲可以即场睇晒成个过程，都几得意。同埋虽然即场整，但系都好快手就有得食。蓝芝士苹果超级好食，好啱女仔食，因为甜甜地，芝士味啱啱好，又有口感，大推！暴龙Pizza呢就系咸嘅，佢嘅料都几多架，都唔错食，不过男仔就会钟意多啲啦。另外我哋都叫支水果酒Linesman peach ，都系店员介绍架。超级适合女仔，酒精唔高但系甜甜地又有少少酒味，同Pizza超夹。呢间Pizza真心觉得好食，而且装修都好有格调，我哋仲发现咗原来一幅大油画系话画紧Star Wars。同埋佢嘅设计都好舒服好啱情侣或者朋友坐低一路食嘢同倾计，推介！ ！