龍點心 (Eastcore)

营业中

休息中

住九龙东嘅无人唔识龙点心，个个住𠮶边嘅朋友个个都话好好食，住新界嘅我终于得闲黎试吓佢啦！一口咸水角必食之一，平时我去饮茶一定会叫咸水角，但呢度嘅咸水角再升华咗，卖相不似平时的油腻黄色，而系橙色撞绿色，食落口感脆卜卜热辣辣，唔似平时炸好放到冻晒咁，我想叫多一碟呀！脆脆富贵红米肠粉必食之二，望住呢款新式点心你可以话咪又系炸两？不过佢真系做得好好，入面脆卜卜油炸鬼包住鲜虾外面包住红的的肠粉，面头好似西餐咁唧啲沙律酱。一口咬落去有多重口感，佢仲有好多 Sause 比你去点，正！怀旧烧卖烧卖大大粒，虾肉新鲜，味道都唔错，下次试吓唔同款的烧卖先！黑金流沙包 黑金流沙包而家都算系好多地方都有，但我觉得佢整得都好食，奶黄夹蛋黄热辣辣流出，都好好味呀！鳗鱼荷叶饭鳗鱼饭都好食，面头仲有金泊令佢更高档，不过我个人觉得呢度点心类先系最正同必食。