富記大排檔

营业中

休息中

富记算系沙田或者大围区好出名嘅食肆，都有几十年历史，有好多区外嘅人都会慕名而来。但系原来其实有好多住喺依区嘅街坊反而都唔知道依间野，有次我仲介绍返住该邨嘅朋友仔去食，真系搅笑。我自己都系几年前，因为睇到人哋嘅食评，所以先知道有呢间野。当时富记其实已经唔再系冬菇亭大排档，而系新装修嘅餐厅。今日又同位朋友嚟一齐食，事先已经订好左只种运鸡，因为样嘢系对我讲系必食嘅！然后，再加多豉椒炒蚬，上汤浸菜，仲有佢哋个另外一个招牌菜，韭菜炸煎墨鱼饼，再加多个豆腐鱼头汤，两个人食，实在太丰富啦！种运鸡系次次都必食，新鲜热辣原只上，店家会提供埋手套俾你自己撕黎食，皮脆肉非常嫩滑，有肉汁（又可以满足我哋暴力嘅欲望 ）。呢个地方虽然麻麻甩甩，但系其实坐得好舒服，唔迫，价钱街坊，啲𩠌份量都好大，而且味道好。我地今晚两个人当然系食唔哂，埋单5百几蚊，仲食到要打包。次次嚟都食得好开心，通常同朋友嚟吹下水，食下野，饮下啤酒，咁就可以一晚。唯一就系依度喺屋邨入边，港铁站行黎都要十几二十分钟，比较吊脚，如果唔属于区嘅朋友，就可能会比较难揾一啲。