微酵烘焙 (世貿中心) (已結業)

环境位于世贸嘅角粒头，一上都好易揾到，呢间店外有三张台，买完可以坐低食完饮完先行。服务职员讲普通话，应该系台湾人，服务好好，饮品牌系上方，为免落错单，会比张细餐牌我指比佢，好细心。另外，每一个包嘅牌都会讲埋有咩成份，仲会有描述个包，令人更加吸引。雷神朱古力成个包系黑色，用比利时朱古力整，好香朱古力味，包入面有核桃，好有口感，而且面包好烟银。绿茶红豆好香绿茶味，入面系红豆蓉，两者好夹。吉士红牛系一个小小嘅牛角包，好重手下，硬身的，攞上手感觉好脆，食落的确硬硬好，入面系吉士，好食。芝士方块一条长方形嘅砖块，表面充满芝士，食落好香芝士味好甜味。爆浆珍珠软欧用红茶去制造，入面系黑糖白珍珠同红茶吉士，将珍珠奶茶造成包，有另一番口感。珍珠鲜奶茶我叫左半糖，无甘甜，但都好香奶茶味，佢同出面唔同嘅系表面有忌廉，令到成杯野更香。鲜醇芋头奶面头有忌廉，仲洒左紫色嘅粉，好吸引，饮落好香芋头味。