橘焱胡同燒肉夜食 (已結業)

终于约到台北过江龙—橘焱胡同烧肉，装修上有浓郁中国色彩。铺头仲特别安排座位俾等候既食客，又有储物柜俾坐Bar台食客放袋，服务贴心，而且大部分员工系台湾人，好好态度。坐Bar台既好处系有专人服侍烧埋野食，我地可以安心吹水。食物系即场调味，台面有柠檬汁以及葱花洋葱碎用来拌肉食。系等食烧肉时，试左佢酸甜辣萝卜以及带子裙边，两碟都好入味，有种欲罢不能既感觉。好感动，竟然系用备长炭即烧，甘样烧出来既食物又香又原汁原味，我都系第一次系香港甘烧法。热情既服务员先帮我地烧左霜降松阪猪，炭火逼晒啲油出来，点上柠檬汁，清新又爽口。之后系油脂分布均匀既和牛翼板肉，牛味重，嫩口，冇得顶。食左两款肉，服务员好贴心帮我地烧左综合野菜，消下油腻感。不得不赞下，火候掌握到位，野菜仲保持水份补足既状态，好爽脆。然后系清酒带子，大大粒带子吸收左酒香，好爆汁，松叶蟹脚更系鲜甜到好似新鲜即㓥一样，极力推荐。最后系梅花豚肩排，有嚼头，肉又实净，送饭一流。食物固然好新鲜，服务态度更加冇得顶，每烧完一样例必换网，务求唔痴肉又唔㶶。等既过程中，服务员都会同我地倾下野食岩唔岩口味之类，感觉好受重视。