古朴年代咖啡．酒館 (已結業)

第一次黎到古朴，意想不到响大围都有间咁有feel同质素嘅cafe。门外面有几张户外座位，玻璃窗上挂有闪闪灯泡，cafe里面装修甚有特色同气氛，而且座位寛倘，系relax嘅一个好选择。讲返食物，今次在下午茶时段光顾，无tea set。都好~唔洗俾tea set所限制，可以试多d款式。叫咗tiramisu 拿破仑，外表睇落吸引，但食落无咖啡味。 酥皮虽然脆，但硬咗d，一切开就散晒，变得体无完肤。奇怪地只尝到咸味，可能系咸忌廉引致，有点怪怪的。再黎原味梳乎厘，发得够高，有空气感，蛋味浓。唯独火喉争少少，里面仲有d蛋汁。流乎厘配以云呢拿同曲奇味雪糕加上云呢拿酱，味道非常匹配。再黎小食蜜味鸡翼，初时以为鸡翼有点颓，但一食落就有惊喜。香草味相当浓郁，肉质嫩滑。只得四只真系唔系好够喉。至于伴碟沙律菜新鲜，黑醋亦醒胃。赞~至于饮品方面选择多。今次点了基本cappuccino 试试基本功。奶泡丰富，咖啡甘香，无苦涩味。下次可以试下其他饮料，相信亦不错。原来每个星期五，六晚都有live band演出，气氛应该会更好。除咗咖啡，仲有酒精饮品供应。期待下一次嘅古朴尝试。