影片
更多
2019-08-01
177 浏览
是日大雨，一手拎遮，一手拎袋，仲加袋菜⋯捩咁hea🤦🏼♀️伯伯好好人，主动帮手开门、帮我摆低啲嘢先。长洲人就系咁有爱💗下午茶时段，加上天气不似预期，门面较冷清，更适合近月心情沈重的香港人。店铺唔大，得5、6张4人枱，瘦人可坐到6个㗎！环境干净、光猛，好清新风。连电视都唔系嘈音台～未叫嘢食前，因为雨水关系，整湿咗枱面，伯伯见我拎电话谂住摆枱面，特登抹咗枱先😭（我对自己部电话都无咁讲究😂）叫咗肉燥伴面($35)(刀削面$+2)配纸包装饮品/罐装汽水，蛋($8)一只～提一提：逢星期六/日可加钱配自家制无添加豆浆（决定揾个星期再去试😬）肉燥好香浓，仲有红葱油香味，真系好够台味！刀削面软硬适中，唔过淋/硬，又唔粉，好好食！事前唔知随餐仲附溏心蛋+卤豆腐，所以有啲惊喜。只蛋好入味，只蛋溏心效果可以再好啲，如果有全生蛋黄就正了🤤卤豆腐目测好入味、唔散、好香，至于味道我讲唔到（偏食孩子唔食豆腐）卖相好靓仔架，用黑色托盘盛住。枱又仿木，真系好文青风，好岩打卡（所以我嚟打卡）店主系个年轻人，楼面系佢爷爷，家庭式生意，真系好似去咗台湾咁！下昼食，晚上仲谂住肉燥面同蛋🤦🏼♀️决定打返个食评！长洲好耐无餐厅咁讲
伯伯好好人，主动帮手开门、帮我摆低啲嘢先。长洲人就系咁有爱💗
下午茶时段，加上天气不似预期，门面较冷清，更适合近月心情沈重的香港人。
店铺唔大，得5、6张4人枱，瘦人可坐到6个㗎！环境干净、光猛，好清新风。连电视都唔系嘈音台～
未叫嘢食前，因为雨水关系，整湿咗枱面，伯伯见我拎电话谂住摆枱面，特登抹咗枱先😭（我对自己部电话都无咁讲究😂）
叫咗肉燥伴面($35)(刀削面$+2)配纸包装饮品/罐装汽水，蛋($8)一只～
提一提：逢星期六/日可加钱配自家制无添加豆浆（决定揾个星期再去试😬）
肉燥好香浓，仲有红葱油香味，真系好够台味！刀削面软硬适中，唔过淋/硬，又唔粉，好好食！事前唔知随餐仲附溏心蛋+卤豆腐，所以有啲惊喜。只蛋好入味，只蛋溏心效果可以再好啲，如果有全生蛋黄就正了🤤卤豆腐目测好入味、唔散、好香，至于味道我讲唔到（偏食孩子唔食豆腐）
卖相好靓仔架，用黑色托盘盛住。枱又仿木，真系好文青风，好岩打卡（所以我嚟打卡）
店主系个年轻人，楼面系佢爷爷，家庭式生意，真系好似去咗台湾咁！
下昼食，晚上仲谂住肉燥面同蛋🤦🏼♀️决定打返个食评！长洲好耐无餐厅咁讲究了～真心支持！💪🏻
张贴
