磯の水產

营业中

休息中

自从观塘海滨全面开放之后，除咗为繁忙嘅工商业地区带嚟休憩地方之外，喺海滨望去对岸，见到邮轮码头同港岛摩天大厦嘅景色，突然有一种台场式嘅浪漫，两个人不如嚟一次日剧嘅面对面奔跑，再去附近嘅矶の水产食日本菜啦！串烧喺呢个咁chill嘅环境，又点少得一边倾计一边食串烧呢？分别叫咗牛肋条串、牛舌串、白鳝串、大葱鸡肉卷作为前菜。白鳝外皮烧得香脆，鱼油丰盈，更添风味；牛肋条同牛舌本身已经充满浓厚嘅牛味，恰到好处嘅火侯，咸香之余仲有焦香味；至于大葱同鸡肉系串烧嘅绝配，嫩滑嘅鸡肉加上鲜甜嘅大葱，减少油腻感之余，亦增加口感。旬之寿司8点8点寿司包括吞拿鱼、油甘鱼、章红鱼、三文鱼、带子、赤海虾、海鳗同左口鱼边，款款新鲜高质，绝有诚意。特别喜欢左口鱼边，因为鱼肉本身已经非常香滑，略略烧焦后嘅鱼肉带有一层鱼油，更有入口即熔嘅感觉。矶之卷矶之卷用上鲜甜又creamy嘅海胆、细滑软绵嘅吞拿鱼蓉、饱满脆口嘅三文鱼子，组成极具口感嘅配搭。寿喜烧肥牛锅寿喜烧嘅灵魂当然就系当牛肉遇上酱汁啦！牛肉肥瘦度适中，肉味香浓。但最正当然唔少得索晒寿喜烧汤汁嘅配菜，金菇同冬菇非常惹味呢！