茶木‧台式休閒餐廳 (已結業)

几个女同事今日终于唔带饭，我提议去加拿分道间茶木食晏，之前食过，佢个套餐系跟杯特饮，$63要收加一，不过净系杯特饮都值回票价。而且环境唔错，座位宽敞，坐得舒服，啱晒几个女人吹水！好快就入座啦，唔使点等位，谂下食咩先。最后决定叫三个餐三个人share，包括姜葱油嫩鸭、熏海鲈鱼同埋酱烧嫩肉排。主食的菜式非常地道的，偏甜嘅口味，最好味系熏海鲈鱼，外皮脆脆的，甜甜的，非常开胃。姜葱柔嫩鸭既肉质好「梅」，味道偏淡 ，不值得推介。酱烧嫩肉排酱汁甜甜的，味道似叉烧酱，好味道。饭面方面我拣咗地瓜新竹米粉。新竹米粉幼身，份量好多，索晒啲汤，好入味，地瓜都好甜。同事拣咗牛肉面，汤底浓郁，牛肉嫩滑，不过份量好细，食几啖就食晒啦。另一个同事拣咗肉燥饭，细细碗，同事话好味，不过就唔太够饱。前菜有卤水蛋、炸花枝丸同埋麻油芽菜。我既特饮系冻意大利咖啡，上面有个雪糕球，卖相都几靓，咖啡都好香浓，不会太甜。