寬巷子 (已結業)

之前係寬巷子打過邊爐，覺得食品質素好高質，今日同朋友去行海港城，見到原來佢哋有做午市套餐，係成個定食咁，價錢都幾合理，賣相又靚，等我去食吓先紅燒牛筋濃湯麵湯底好濃郁，麵條非常掛湯，索哂湯汁好惹味！牛筋份量都幾多，大大條，煮得好入味，口感滑嘟嘟，入口即化，真係唔錯！碗內仲有冬菇同小棠菜，配料相當之豐富！另外仲配有兩款小食，分別係辣炒酸菜同涼拌皮蛋豆腐！賣相精緻，酸菜好惹味，皮蛋豆腐好有台式風味，真係超正！